Уялып, биябур болуп къалсынлар дагъы мени насипсизлигимден сююнегенлер. Илыгъып къалсынлар дагъы менден оьр чыгъып токътагъанлар.
Илыгъып, биябур болуп къалсынлар дагъы жаныма оьлюмню излеп айланагъанланы барысы да! Артгъа бурулуп къачсынлар дагъы, мысгъылгъа тутулуп къалсынлар дагъы магъа яманлыкъ ёрайгъанлар!
Илыгъып, биябур болуп къалсынлар дагъы жаныма оьлюмню излеп айланагъанланы барысы да! Артгъа бурулуп къачсынлар дагъы, мысгъылгъа тутулуп къалсынлар дагъы магъа яманлыкъ ёрайгъанлар!
Магъа: «Ериндеги болгъан огъар!» – дейгенлер оьзлени биябурлугъу саялы артгъа тартылма борчлу болсунлар дагъы.
Мен буса гьар заман Сагъа умут этип, Сагъа этилеген макътавну артдырып турарман.