Гючлю душманымдан, оьзлер менден гючлю, мени гёрюп ярамайгъанлардан азат этип къойду.
Ярлыны, пакъырны йыкъмакъ учун, тюз ёл булан юрюйгенлени оьлтюрмек учун, къылычларын сувуруп, окъларын да тартып токътагъанлар къылыкъсызлар.
Сююнчню, шатлыкъны эшитме имканлыкъ бер магъа. Сав болуп къалсын дагъы Сен уватгъан сюеклерим мени.
Кёклерден де бийикдир Сендеги муъминлик, Аллагьым. Зор уллу ишлер этдинг Сен. Аллагьым, Сагъа тенг гелип болардай ким бар экен дагъы?
Аллагьланы арасында Сендейи ёкъдур, Раббим, Сени ишлерингдей ишлер де ёкъдур.
Неге тюгюл де, ким бола дагъы кёклерде Раббибиз булан тенг болуп? Ким бола дагъы Аллагь яратгъанланы арасында Раббибизге ошап?