Биябур болуп къалсын, къоркъмакълыгъындан къартыллап турсун дагъы мени душманларым; ёлундан къайтып, уялып-илыгъып къалсын дагъы олар.
Мени оьлтюрме деп айланагъанлар илыгъып, биябур болуп къалсын дагъы, артгъа багъып къачсын дагъы, хорлукъгъа тюшюп къалсын дагъы магъа яманлыкъ этме хыял этегенлер.
Мен де: «Аягъым къартыллап йибергенде, олар менден оьр токътагъанда, уьст болуп къалмасын дагъы менден душманларым», – деп дуа этдим.
Илыгъып, биябур болуп къалсынлар дагъы жаныма оьлюмню излеп айланагъанланы барысы да! Артгъа бурулуп къачсынлар дагъы, мысгъылгъа тутулуп къалсынлар дагъы магъа яманлыкъ ёрайгъанлар!