Айыпсыз ёлунда юрюп турарман мен. Яныма къачан гелерсен Сен? Оьз уьюмде тюз юрегим булан яшап турарман мен.
Оьзлер янымда турсун деп, гёзлерим шу уьлкеде амин турагъанлагъа тикленген гьалда турар. Айыпсыз ёл булан юрюйген магъа къуллукъ этип турар.
Оьзюню къаны булан даимлик разилешивню бегетген, къойланы да уллу Къойчусу болгъан Раббибиз Исаны оьлюмден тирилтген, парахатлыкъ береген Аллагь гьар-бир яхшы ишде Оьзюню сюйгенин яшавгъа чыгъармакъ учун, сизин тюз ёлгъа салсын дагъы. Оьзюне гьар даим де макътавлар болгъур Раббибиз Иса Месигьден таба О бизде Оьзюню кепине гелеген затны яратсын дагъы. Амин.
Бары да рагьмуну Еси болгъан Аллагь Иса Месигьден таба сизин Оьзюню даимлик макътавлугъуна ортакъчы болмагъа чакъырды. Сиз бир къысгъа мюгьлет азап чекгенден сонг, О сизин камиллешдирип, гючлендирип, беклешдирип ва къаттылашдырып бережек.