Абат алмакъ учун эркин ёл бердинг Сен, аякъларым да гьеч къартылламайдыр мени.
«Раббиге эди ол аркъатаягъан; азат этсин дагъы ону. Рабби рази къала болгъан сонг, Рабби Оьзю къутгъарма да къутгъарсын дагъы ону».
Душманны къолуна да берип къоймадынг мени; аякъларымны эркин ерге салдынг Сен.
Инсанны ёлундан сююнюп турар Раббибиз, абатларын да беклешдирип турар ону. Раббибиздир адамны аягъын басдырагъан, ону ёлуна да яхшы гёзден къарар Ол.
Бек гючлю къыйынлы гьалдан чакъырыв этдим Раббибизге мен, эшитди Ол да мени, эркин ерге чыгъарып да къойду Раббим мени.