Книга Псалтирь Cтих 12 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Псалтирь Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Псалтирь

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150

Хорну ёлбашчысына. Бу йырны сёзлерин Раббибиз оьзюн бары да душманларыны къолундан ва Савулну къолундан къутгъарагъанда, Раббибизге багъышлап Раббибизни къулу Давут айтгъан. Ол булай деп айтгъан:

Мен Сени сюемен, Раббим. Къудратымсандыр Сен мени.

Раббим мени ярымдыр, беклигимдир, мени азат этивчюмдюр. Аллагьым мени якълавумдур: Олдур мени аркъатаявум, Олдур мени къалкъаным, къутгъарылывумну къудратыдыр, къамалып токътайгъан еримдир.

Чакъырыв этермен мен алгъышлагъа лайыкълы болгъан Раббиме, душманларымдан къутгъарылып къаларман мен.

Оьлю бугъавлар къуршап алып тура мени, ажжалны къатты агъымы да къоркъутуп тура мени.

Ахыратны шынжырларына чырмалып тураман мен, оьлюмню торуна да тюшюп тураман мен.

Къыйын болгъанда Раббиме чакъырыв этдим мен, Аллагьны да атын тутуп сёйледим. Ол да кёклерден туруп мени тавушумну эшитди, мени агь урувум да Огъар етишди.

Тербенип, чайкъалып йиберди ер, тавланы кюрчюлери де къартыллап, йылышып гетди; неге тюгюл де къазапланды Аллагь.

Ону къазапланывундан тютюн гётерилип гетди, авзундан да бек гючлю ялын да, къызгъан жыжымлар да чыгъып гетди.

Авункъу да этип кёклени, тюшюп гелди Ол; Ону аякъ тюбюнде къап-къарангы болуп къалды.

Гьерубимге де минип йиберип, учуп гетди; елни къанатларыны уьстюндеги кюйде гетип къалды.

Къарангылыкъны Оьзюню пердевю этди, айланасында кёп суву булангъы булутланы жыйып къойду.

Параллельные места

Псалтирь 96:2

Булутлар булан къарангылыкъ бардыр Ону айланасында. Муъминлик булан адилликдир Ону тахыны кюрчюсю.

Лансылламакълыкъдан Ону алды булан булутлары тербенишип гетди, буз, ялынлы жыжымлар явуп йиберди.

Кёклерде Раббибиз кёк кёкюрегендей сёйледи, Аллагьу-Тааланы тавушу да чыкъды.

Окъларын бакъдырып йиберип, душманларын чачып къойду, кёп яшмынларын да йиберип, оланы яйып къойду.

Денгизлени тюплери гёрюнеген болуп къалды, дюньяны кюрчюлери де ачылып къалды Сени зор гючлю тавушунгдан, Раббим, Сени къазапланывунгну ругьуну уьфюрювюнден.

Бийикликден узатып йиберип Ол къолун, кёп сувланы ичинден чыгъарып алып къойду мени.

Гючлю душманымдан, оьзлер менден гючлю, мени гёрюп ярамайгъанлардан азат этип къойду.

Къыйынлы гюнлеримде магъа къаршы баш гётердилер олар; амма Раббим магъа якълавчу болуп турду.

Эркин ерге де чыгъарып, азат этип къойду Ол мени; неге тюгюл де яхшы гёзден къарайдыр Ол магъа.

Муъминлигиме гёре берип къойду Раббим магъа; къолларымны тазалыгъына гёре де савгъатлап къойду мени.

Неге тюгюл де, таймай турдум мен Раббимни ёлундан, къылыкъсыз да болуп чыкъмадым мен Аллагьымны алдында.

Неге тюгюл де, Ону бары да къанунлары алдымдадыр, Ону буйрукъларындан да гьеч тайышмадым мен.

Ону алдында мен таза эдим, гюнагь иш этип къоймайым деп де, сакъ бола эдим.

Муъминлигиме гёре, Оьзюню гёз алдындагъы къолларымны тазалыгъына гёре берип къойду Раббим магъа.

Инамлыгъа гёре инамлы боласан Сен, гьакъ юрекли инсан булан да – гьакъ юрекли,

Таза булан – таза, макюрчю булан буса – оьзюню макюрчюлюгюне гёре,

Неге тюгюл де, янчылгъан инсанланы къутгъарасан, оьктем-оьктем къарайгъанланы буса эсгик этесен.

Чырагъымны ягъагъан Сенсендир, Раббим; къарангы-лыгъымны ярыкъландырыгъан да Аллагьымдыр.

Сени буландыр мен асгерлени янчагъан, барулагъа да Аллагьым булан оьрленип гетемен мен.

Аллагь! Гьеч бир тетиксиздир Ону ёлу, тазадыр Раббибизни сёзю де. Оьзюне аркъатаяйгъанлар учун барысына да къалкъандыр Ол.

Неге тюгюл де, Раббибизден къайры Аллагь бармы дагъы? Ярыбыздан къайры Аллагь бармы дагъы?

Къудраты булан белимни байлар Аллагь, мени ёлумну да тюзлер Ол.

Аякъларымны къубагийикникидей этип, бийикликлеге минип токътама имканлыкъ берер Ол магъа.

Къолларымны дав этме уьйретер, сом этлерим де гюч берип, багъыр жаяны тартдырар.

Къутгъарылыв къалкъанынгны берип къойдунг Сен магъа, онг къолунг тутуп сакълап тура мени, рагьмунг да оьр этип къоя мени.

Абат алмакъ учун эркин ёл бердинг Сен, аякъларым да гьеч къартылламайдыр мени.

Гьызарлап юрюймен мен душманларымны, артындан етишемен оланы, къырып битмей туруп оланы, гери къайтмайман.

Уруп саламан оланы, олар да дагъы туруп болмайлар; аякъ тюбюме багъып йыгъылалар олар.

Неге тюгюл де, давгъа деп къудратынг булан белимни байладынг Сен мени, магъа къаршы баш гётергенлени де магъа таби этип къойдунг Сен.

Душманларымны магъа арт берип къачдырдынг Сен; мени гёрюп ярамайгъанланы дагъытып къойдум мен.

Олар агь уралар, амма гьеч къутгъарагъан чы ёкъ оланы; Раббибизге чакъырыв этелер, амма Ол да чы къулакъасмай олагъа.

Елни алдындагъы чангдай чачып къояман оланы, орамдагъы нас йимик де таптап къояман оланы.

Оьз халкъымны башгётеривюнден азат этдинг Сен мени, ят халкъланы башы этип де салдынг мени; мен танымайгъан халкълар да магъа къуллукъ этип тура.

Янгыз мени эшитип, магъа таби болуп къалалар; ят халкълар да алдымда ялынчлыкъ этип туралар магъа.

Олар агъарып къалалар, оьзлени бекликлеринде титиреп туралар.

Гьар даим де бардыр Раббим, Якълавчума макътавлар болсун! Оьр болуп къалсын дагъы мени къутгъарылывумну Аллагьы,

Мени учун оьч алагъан, халкъланы магъа таби этеген Аллагь,

Душманларымдан азат этеген Аллагь! Магъа къаршы баш гётерегенлерден оьр салдынг мени, вагьши инсандан да азат этдинг мени.

Шо саялы да макътав этермен ят халкъланы арасында Сагъа, Раббим; атынгны тутуп йыр да айтарман.

Зор уллу уьстюнлюклер алдырып турасан Сен пачагъа, танглагъанынг Давутгъа да, ону наслусуна да гьар даим де зор сюювюнгню гёрсетип турасан Сен.

← Предыдущая

Псалтирь

Выбор основного перевода