Раббибизни тавушу сувланы уьстюндедир; макътавлу Аллагь кёк кёкюрегендей тавуш чыгъарып къойду, кёп сувланы уьстюндедир Ону тавушу да.
Раббибизни тавушу къудратлыдыр, Раббибизни тавушу зордур.
Раббибизни тавушу къарагъайланы сындырып къояр; ливан къарагъайланы сындырып къояр Раббибиз.
Ливанны бузавдай, Сиригьонну да жагьил гамишдей чапдырып турар Ол.
Раббибизни тавушу яшмын яшнатып къояр.
Раббибизни тавушу дангылны тербетип йиберер, Кадеш дангылны тербетип йиберер Раббибиз.
Раббибизни тавушундан эменлер чёгюп къалар, агъачлыкълар да ялангъач болуп гетер; Ону ибадатханасындагъыланы барысы да: «Макътав болсун, макътав болсун Огъар!» – деп къычырып турар.
Сени зор гючлю тавушунгдан, къачып таялар шолар, кёк кёкюрев тавушунгдан тез гетип токътайлар.