Книга Притчи Cтих 21 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Притчи Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Притчи

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Раббибиз тюз гёрсетмейген мизанланы гёрюп ярамас, амма тюз тартагъан мизан ташланы ушатар.

Биябурлукъ оьктемликни гьызын тутуп юрюр, амма саламатлыкъны табанын басып гьакъыл юрюр.

Гьалаллыкъ тюз юреклилеге ёлбашчылыкъ этер, макюрчюлюк буса къара юреклилени дагъытар.

Балагь гелген гюн байлыкъдан кёмек болмас, гертилик буса оьлюмден къутгъарар.

Гьалал адамны гертилиги ону ёлун тегишлер, намуссуз буса оьзюню намуссузлугъундан ер болар.

Гьалал адамланы гьалаллыкъ къутгъарар, адилсизлер буса оьзлени адилсизлигини тузагъына тюшюп къалар.

Намуссузну оьлюмю булан ону умуту да болмагъандай болуп къалар, адилсизлени гёзлегени де ёкъ болуп къалар.

Гьалал адам балагьдан къутгъарылар, ону орнуна буса онда намуссуз тюшер.

Бетгёрдю адам сёзю булан ювугъун дагъытар, амма гьалал адамлар иттилиги булан къутгъарылар.

Гьалал адамланы яхшылыгъы элин-халкъын да шат этер, намуссузлар оьлгенде де уллу шатлыкълар болар.

Гьалал адамланы яхшылыгъындан эл оьр болар, намуссузланы сёзлеринден буса дагъылар.

Томакъ адам ювугъуну намусуна тийип сёйлер, англавлу адам буса пысып турар.

Тилчилер гишини сырын ачыкъ этер, инамлы адам буса айтды-къуйтдуну юрютмес.

Насигьатсыз къалгъан халкъ дагъылар, янгыз насигьатчылары кёп буса – къутгъарылар.

Биревню борчун бойнуна алгъан адамгъа балагь гелер, эгер де борчну бойнунга алмасанг, башынгны сакъларсан.

Сав юрюйген къатын макътавгъа лайыкълы болар, иш сюегенлер буса байлыкъгъа ес болар.

Яхшы адам оьзюне пайда гелтирер, хатирсиз адам буса башына балагь гелтирер.

Намуссуз адам акъчаны ялгъан булан къазанар, адилли буса гьакъ герти савгъатгъа ес болар.

Гьалаллыкъ яшавгъа багъып элтер, яманлыкъгъа талпынагъан адам буса оьзюню оьлюмюню артындан чабып айланар.

Раббибиз къара юреклилени гёрюп ярамас, амма О гьалал адамланы ушатар.

Пасат адам такъсырсыз къалмажагъына шеклик ёкъдур, амма гьалалланы бютюн тухуму къутгъарылар.

Параллельные места

Псалтирь 111:2

Притчи 16:5

Гючлю болуп къалар ер юзюнде ону наслулары, шабагьатланып къалар тюз юреклилер де. Раббибиз гьар уллу юреклиден жиргенер, шолай адам такъсыргъа тарылажакъгъа шеклик ёкъдур.

Донгузну бурнуна тагъылгъан алтын юзюк де бирдир, англавсуз къатынны гёзеллиги де.

Гьалал адамланы умутлары хайыр болуп чыгъар, намуссузланы хыялларын Раббибизни къазапланыву къаравуллар.

Аявсуздан уьлешегенникине дагъы да къошулар, артыкъ къызгъанчы буса гюнден-гюн ярлы болар.

Чомарт адам даим токълукъда болар, оьзгеге ичме сув берген бир де сувсамас.

Ашын яшырып сакълагъангъа халкъны налаты берилер, оьзгелени ашатмакъ учун будайын сатагъанлагъа Аллагьны рагьмусу тиер.

Яхшылыкъгъа талпынагъанлар абур къазанар, яманлыкъны излейгенлер шону оьзюн табып токътар.

Байлыгъына аркъа таягъанлар ер болар, гьалал адамлар бюрленип гелеген терекге ошар.

Агьлюсюне балагьлар гелтирегенлер бир затсыз къалар, агьмакъ да гьакъыллыгъа къул болуп токътар.

Гьалаллыкъны емишинден яшав береген терек оьсюп турар, гьакъыллы буса инсанланы иштагьландырар.

Гьалал адамгъа бу дюньяда тийишлиси бериле болгъан сонг, намуссузгъа да, гюнагьлыгъа да хасокъда берилер.

← Предыдущая

Притчи

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Выбор основного перевода