Книга Бытие Cтих 2 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Бытие

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Муна Адамны ва ону наслуларыны тайпа-тухуму. Аллагь инсанны яратгъанда, ону Оьзюне ошатып ярата.

О эргишини ва къатынгишини яратып, оланы шабагьатлай. Яратгъанда, олагъа инсан деп ат къоя.

Параллельные места

Бытие 1:27

Аллагь адамны Оьзюню, Аллагьны келпетине ошатып яратгъан. О эргишини ва къатынгишини яратгъан.

Адамгъа юз отуз йыл болагъанда, ондан ону келпетине, огъар ошайгъан улан тува. Адам огъар Сет деп къоя.

Сет тувгъан сонг, Адам сегиз юз йыл яшай. Ондан дагъы да уланлар ва къызлар тува.

Адам тогъуз юз отуз йыл яшап гечине.

Оьзюне юз беш йыл болагъанда, Сетге Энош деген уланы тува.

Энош тувгъан сонг, Сет сегиз юз етти йыл яшай. Ондан дагъы да уланлар ва къызлар тува.

Сет тогъуз юз он эки йыл яшап гечине.

Эношгъа тогъуз юз йыл болагъанда, ондан Кенан деген улан тува.

Кенан тувгъан сонг, Энош сегиз юз он беш йыл яшай. Ондан дагъы да уланлар ва къызлар тува.

Энош тогъуз юз беш йыл яшап гечине.

Кенангъа етмиш йыл болагъанда, ондан Магьалал деген улан тува.

Магьалал тувгъан сонг, Кенан сегиз юз къыркъ йыл яшай. Ондан дагъы да уланлар ва къызлар тува.

Кенан тогъуз юз он йыл яшап гечине.

Магьалалгъа алтмыш беш йыл болагъанда, ондан Гьерет деген улан тува.

Гьерет тувгъан сонг, Магьалал сегиз юз отуз йыл яшай. Ондан дагъы да уланлар ва къызлар тува.

Магьалал сегиз юз токъсан беш йыл яшап гечине.

Гьеретге юз алтмыш эки йыл болагъанда, ондан Гьаногь деген улан тува.

Гьаногь тувгъан сонг, Гьерет сегиз юз йыл яшай. Ондан дагъы да уланлар ва къызлар тува.

Гьерет тогъуз юз алтмыш эки йыл яшап гечине.

Гьаногьгъа алтмыш беш йыл болагъанда, ондан Матушалагь деген улан тува.

Матушалагь тувгъан сонг, Гьаногь уьч юз йыл яшай. Ону яшаву Аллагь булан бола. Ону дагъы да уланлары ва къызлары бола.

Гьаногь уьч юз алтмыш беш йыл яшай.

Ону яшаву Аллагь булан бола. Гьаногь гечинген сонг, Аллагь ону Оьзюню янына ала.

Матушалагьгъа юз сексен етти йыл болагъанда, ондан Ламегь деген улан тува.

Ламегь тувгъан сонг, Матушалагь етти юз сексен эки йыл яшай. Ондан дагъы да уланлар ва къызлар тува.

Матушалагь тогъуз юз алтмыш тогъуз йыл яшап гечине.

Ламегьге юз сексен йыл болагъанда, ондан улан тува.

Ламегь огъар Нугь деп къоюп: – Раббибиз налатлагъан топуракъда о бизге ишибизде, загьматыбызда юрекге маслагьат болуп туражакъ, – дей.

Нугь тувгъан сонг, Ламегь беш юз токъсан беш йыл яшай. Ондан дагъы да уланлар ва къызлар тува.

Ламегь етти юз етмиш етти йыл яшап гечине.

Нугьгъа беш юз йыл болагъанда, ондан Сим, Гьам ва Яфет деген уланлар тува.

← Предыдущая

Бытие

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода