Книга Бытие Cтих 25 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Адам къатыны Гьавагъа ювукълукъ эте. О яшгъа авур болуп, Къабил деген уланын таба. – Раббимни кёмеги булан мен инсан тапдым! – дей о.

Сонг о Къабилни иниси Гьабилни таба. Гьабил къойлар сакълай болгъан, Къабил буса топуракъгъа къуллукъ эте болгъан.

Раббибизге къурбан этмек учун, бир гюн Къабил топуракъ берген емишлеринден гелтире.

Гьабил буса сиривюню башлапгъы къозуларыны ичмайын гелтире. Раббибиз Гьабилни савгъатына рази къала,

Къабилни савгъатына буса рази къалмай. Къабил ачувлана, ону бети бузула.

Раббибиз Къабилге булай дей: – Неге ачувландынг? Неге бузулду бетинг?

Яхшылыкъ эте бусанг, сени къабул этермен, этмей бусанг, эшик алда гюнагь яшынып тура. О сагъа гьасирет къалып тура, тек сен ону енгме герексен.

Къабил иниси Гьабилге: – Авлакъгъа чыгъайыкъ, – дей. Олар авлакъгъа чыгъа. Шонда Къабил Гьабилни уьстюне чабып йиберип, ону оьлтюре.

Сонг Раббибиз Къабилге: – Ининг Гьабил къайда? – деп сорай. – Билмеймен, иниме къаравулчуманмы мен? – деп жавап бере Къабил.

Раббибиз булай дей: – Сен не этип къойдунг? Инингни къаны Магъа топуракъдан таба ялбара.

Налат болсун сагъа! Инингни къаны тёгюлген топуракъ сени гери уражакъ.

Сен нечакъы къуллукъ этсенг де, топуракъ сагъа рызкъы бермежек. Энниден сонг сен къуваланып, ер юзюнде уьйсюз-эшиксиз юрюп айлана къалажакъсан.

– Бу авур жаза, мен ону гётерип болмажакъман.

Сен мени топурагъымдан къувалайсан, мен Сенден яшынарман. Къувалангъанман, уьйсюз-эшиксизмен, магъа къаршылашгъан гьар ким мени оьлтюрюп къояжакъ, – дей Къабил.

Тек Раббибиз: – Къабилни ким оьлтюрсе, шондан етти къабат артыкъ оьч алынажакъ, – дей. Къаршылашгъанлар ону оьлтюрюп къоймасын деп, Раббибиз Къабилге бир айры белги сала.

Раббибизни гёз алдындан тайып, Къабил Эдемден гюнчыгъышда ерлешген Нод элде ерлеше.

Къабил къатынына ювукълукъ эте. О яшгъа авур болуп, Гьаногь деген улан таба. Къабил шо вакътиде шагьар къура болгъан, шо шагьаргъа Гьаногь деп уланыны атын къоя.

Гьаногьгъа Ират деген улан тува, Иратгъа – Мекиел, Мекиелге – Метушел, Метушелге буса Ламегь тува.

Ламегь эки къатын ала, бирини аты – Ада, бирисиники – Цилла.

Ада Явал деген улан таба. Явалдан чатырларда да яшай туруп тувар сакълайгъан халкъ амалгъа геле.

Ону иниси Ювалдан къомуз ва зурнай согъагъанланы барысы да амалгъа геле.

Цилладан Тубал-Къабил деген улан тува. О багъыр ва темир токъалайгъан темир уста бола. Тубал-Къабилни Наама деген къызардашы бола.

Ламегь оьзюню къатынларына булай дей: – Ада, Цилла, тынглагъыз магъа! Тынглагъыз, къатынларым, мен айтагъангъа! Эгер де эргиши мени яраласа, мен де ону оьлтюрюп къояжакъман. Эгер де уланъяш магъа урса, мен де ону оьлтюрюп къояжакъман.

Эгер де Къабил учун етти керен оьч ала буса, Ламегь учун етмиш етти керен алар.

Адам къатынына дагъы да ювукълукъ эте, о да улан таба. Яшгъа Сет деп къоя, неге тюгюл, Гьава оьзю айтагъан кюйде, Къабил оьлтюрген Гьабилни орнуна Аллагь оьзюне башгъа урлукъ салгъан болгъан.

Параллельные места

Бытие 5:3

Бытие 4:8

Адамгъа юз отуз йыл болагъанда, ондан ону келпетине, огъар ошайгъан улан тува. Адам огъар Сет деп къоя. Къабил иниси Гьабилге: – Авлакъгъа чыгъайыкъ, – дей. Олар авлакъгъа чыгъа. Шонда Къабил Гьабилни уьстюне чабып йиберип, ону оьлтюре.

Сетни Энош деген уланы болгъан. Шо замандан тутуп инсанлар Раббибизни атын тутуп, Огъар сужда этме башлайлар.

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода