Книга Бытие Cтих 29 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Шо заманларда Ягьуда агъа-инилерин де къоюп, Гьира деген адулламитли бир адамны янында яшай болгъан.

Шонда о Шуа деген гьананлы бир гишини къызы булан таныш бола. Ягьуда ону къатын этип ала.

О айлы бола ва улан таба. Ягьуда огъар Эр деп къоя.

О дагъы да айлы бола ва экинчи уланын таба. Огъар Онан деп къоя.

Сонг бирдагъы улан таба ва огъар Шела деп къоя. (Бу иш олар Кесивде яшайгъан вакътиде бола.)

Ягьуда биринчи уланы Эрге къатын этип Тамар деген къызны ала.

Эр кёп яманлыкъ этгени саялы, Раббибиз огъар рази болмай ва ол оьлюп къалагъан кюйню эте.

Ягьуда Онангъа: – Агъангдан къалгъан къатын булан яшап тур. Агъангны орнун тутуп, огъар наслу болдурарсан, – дей.

Амма Онан Тамар тапгъан яшлар оьзюнюки саналмажагъын биле болгъан. Шо саялы да Тамар булан ювукълукъ этегенде, агъасына яшлар болмасын деп, о урлугъун ерге тёгюп къоя болгъан.

Раббибиз Онанны шолай этегенине рази болмай, шо саялы ол да оьлюп къалагъан кюйню эте.

Ягьуда Тамаргъа: – Уланым Шела оьсгенче, тул къатын болуп, барып атангны ожагъында яшап тур, – дей. (Шону о: «Уллуларыны арты булан гиччиси де сама оьлмесин!» – деп ойлашып айта). Тамар да атасыны ожагъына къайта.

Арадан кёп заман гете. Шуаны къызы, Ягьуданы къатыны гечине. Яс битгенде, Ягьуда адулламитли Гьира къурдашы да булан къойларын къыркъма деп Тимна деген шагьаргъа ёл чыгъа.

Тамар къайнатасы къойлар къыркъма Тимнагъа барагъанны эшите.

О тул къатынлар гиеген опуракъларын да чечип, бетин шаршав булан яба ва чырмалып, Тимнагъа барагъан ёлда ерлешген Энаим шагьаргъа гиреген ерде олтуруп токътай. (О Шела оьсгенни ва огъар оьзюн къатын этип алмайгъанны гёрюп тура).

Тамаргъа къарап, Ягьуда о къагьба къатын деп тура, неге тюгюл де ону бетине шаршав ябылгъан болгъан.

О ёлну ягъасында олтургъан Тамарны ягъына гелип: – Мен сени булан ятма сюемен, – дей. Ягьуда о оьзюню гелини экенни билмей болгъан чы дагъы. – Мени булан ятсанг, магъа не бережексен? – деп сорай Тамар огъар.

– Мен сагъа бир улакъ йибережекмен, – деп жавап бере Ягьуда. – Шону йибергинче, юк гьисапда бир зат къой, – дей о.

– Не юк сюесен? – деп сорай Ягьуда. – Йипге тагъылгъан мюгьюрюнгню де, къолунгдагъы аса таягъынгны да, – деп жавап бере Тамар. Ягьуда о тилеген бары да затны берип, ону булан ювукълукъ эте ва Тамар ондан айлы бола.

Сонг о туруп гете, бетиндеги шаршавун да тайдырып, къайтып оьзюню тул къатынлар гиеген опуракъларын гие.

Ягьуда улакъ да берип, адулламитли къурдашын юк гьисапда къойгъан затларын алмакъ учун йибере. Нечакъы излесе де, о Тамарны табып болмай.

Шо ерли адамлардан о: – Энаимге барагъан ёлда олтургъан къагьба къатын къайдадыр? – деп ахтара. Тек огъар: – Мунда бир къагьба къатын да ёкъ эди, – деп жавап берелер.

Ягьуданы ягъына къайтып, о: – Мен ону тапмадым. Ерли адамлар онда бир къагьба къатын да ёкъ эди дедилер магъа, – дей.

– Шо затлар онда къалып къалсын, адамлар уьстюбюзден кюлегенни сюймеймен. Мен огъар деп улакъ берип йиберемен, сен бусанг ону табып да болмайсан! – дей Ягьуда огъар.

Уьч айлар гетип, Ягьудагъа: – Сени гелининг Тамар къагьба къатындай гюнагь иш этген ва гьали айлы, – дейлер. – Алып ону отда яллатыгъыз, – деп буйрукъ эте Ягьуда.

Амма Тамарны жазалама элтип барагъанда, о къайнатасына: – Мен шу затланы есинден айлы болгъанман, – деп етишдиригиз деп тилей. – Шу йипге тагъылгъан мюгьюрню де, аса таякъны да таныймысан? – деп сорай Тамар.

Ягьуда таный ва булай дей: – О менден эсе артыкъ муъмин. Неге тюгюл де, мен огъар уланым Шеланы бермедим. Ягьуда да ону булан дагъы ювукълукъ этмей.

Тамарны яш тапма заманы етише. Ону эгизлери болгъан экен.

Яш тапма башлагъанда, къыргъа яшны къолу чыкъгъанда, энечи къатын яшны къолуна къызыл йип байлап: «Бусу башлап чыкъды», – дей.

Амма яш къолун къайтарып гийирип къоя ва ону эгиз ёлдашы чыгъа. «Сен нечик чыгъып болдунг?» – дей энечи къатын ва яшгъа Парес деп къоя.

Параллельные места

Бытие 46:12

От Матфея 1:3

Ягьуданы уланлары булардыр: Эр, Онан, Шела, Парес ва Зарагь. Эр ва Онан Гьананда турагъанда гечинелер. Паресден буса Гьесрон ва Гьамул деген уланлар тува. Ягьуда Тамардан тувгъан Пересни де, Зарагьны да атасы, Перес Гьесронну атасы, Гьесрон Рамны атасы болгъан.

Ону арты булан къолунда къызыл йиби булангъы бириси де чыгъа. Огъар Зарагь деп къоялар.

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода