Книга Бытие Cтих 18 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Якъуб къарап, алдына дёрт юз адамы да булан Исав гелегенни гёре. О Лияны, Рагьилни ва эки къаравашны гьарисин оьзлени авлетлери булан бирче пайлай.

Оланы о булай эретургъузуп сала: алда яшлары да булан къаравашлар, оланы артында яшлары да булан Лия, олардан сонг буса Рагьил ва Юсуп.

Оьзю Якъуб алгъа багъып чыгъа. Агъасына ювукълашгъанча, ону алдында етти керен ерге къаплана.

Тек Исав ону алдына чабып барып, ону къучакълап, бавруна баса, оьбе, олар экевю де йылап алалар.

Исав къатынгишилени ва яшланы гёрюп: – Булар сени кимлеринг бола? – деп сорай. – Булар магъа, сени къулунга, Аллагь Оьзюню рагьмусу булан берген яшлар, – деп жавап бере Якъуб.

Къаравашлар яшлары да булан ювукъ гелип, Исавну алдында тобукъдан туруп, баш уралар.

Сонг шо кюйде яшлары булан Лия ювукъ гелип, баш уралар, сонг Рагьил булан Юсуп баш уралар.

– Ёлда магъа ёлукъгъан не сиривлер эди? – деп сорай Исав. – Олар булан сени рагьмунгну къазанма умут эте эдим, бийим, – деп жавап бере Якъуб.

– Мени бар затым магъа бола, иним. Оьзюнгню малынгны оьзюнге къой, – дей Исав.

– Ёкъ, рагьму эт, ярай буса, савгъатларымны ал! Сени булан гёрюшмек магъа рагьмулу Аллагь булан бетге-бет гёрюшмекге тенг эди, сен бусанг магъа булай рагьмулусан!

Мени савгъатымны къабул эт. Аллагь рагьмусун гёрсетди, мени бары затым бар, – дей Якъуб. Якъуб Исавгъа кёп тилей, о да савгъатланы алма рази бола.

– Ёлгъа тюшейик. Мен сени булан гелемен, – дей Исав Якъубгъа.

Тек Якъуб булай дей: – Сен, бийим, яшлар нечик осал болагъанны билесен. Къойларым да, сыйырларым да буса савула, оланы чалт гьайдап турса, бир гюнден къырылып къалажакъ.

Сен, бийим, алдым булан бар, мен буса, сени къулунг, артынгдан аста булан, яшланы да, гьайванланы да юрюшюне гёре аста булан гелермен. Артынг булан, бийим, Сейирге етишермен.

– Сени булан мени адамларымны да къояйым, – дей Исав. – Негер тарыкъдыр? Сен, бийим, магъа артыкъ рагьмулусан, – дей Якъуб.

Шо гюн Исав Сейирге ёл чыгъа.

Якъуб буса Суккот деген шагьаргъа багъып ёл чыгъа. Онда о оьзюне уьй къура, гьайван-малына буса аранлар эте. (Шо саялы шо ерге Суккот деп айтыла).

Месопотамиядан сапарын эсен-аман тамамлап, Якъуб Гьанандагъы Шегьем шагьаргъа етише ва ону къырыйында чатырларын къура.

Параллельные места

Бытие 25:20

Бытие 28:2

Оьзюне къыркъ йыл болагъанда Исгьакъ Месопотамиядан арамейли Бетуелни къызы ва арамейли Лабанны къызардашы Ребеканы къатын этип ала. Месопотамиягъа, анангны атасы Бетуелни ягъына бар. Оьзюнге къатын этип анангны эркъардашы Лабанны къызларындан бирин ал.

Оьзю чатырларын къургъан ерни топурагъын о Шегьемни атасы Гьаморну уланларындан юз гюмюш акъчагъа ала.

Шонда о къурбанлыкъны салагъан ер къуруп, огъар Эл, Исрайылны Аллагьы деп ат тагъа.

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода