Книга Бытие Cтих 2 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Бытие

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Исгьакъ Якъубну чакъыра, ону шабагьатлап, булай буйрукъ эте: – Гьананлы къызланы къатын этип алма.

Месопотамиягъа, анангны атасы Бетуелни ягъына бар. Оьзюнге къатын этип анангны эркъардашы Лабанны къызларындан бирин ал.

Параллельные места

Бытие 25:20

Оьзюне къыркъ йыл болагъанда Исгьакъ Месопотамиядан арамейли Бетуелни къызы ва арамейли Лабанны къызардашы Ребеканы къатын этип ала.

Аллагь сени наслунгну артдырсын ва сагъа кёп санавда наслулар берсин дагъы! Бир хыйлы халкълар сенден таба болсун дагъы!

Ибрагьимге берген шабагьатын О сагъа да, сени наслуларынга да берсин дагъы. Сен де Аллагь Ибрагьимге берген, сен гелгинчи болуп яшап турагъан топуракъгъа ес болуп токътажакъсан!

Исгьакъ уланын йибере, о да Месопотамиягъа, арамейли Бетуелни уланы Лабанны ягъына гете. Лабан Якъубну ва Исавну анасы Ребеканы эркъардашы болгъан.

Исав Исгьакъ Якъубну шабагьатлагъанны, ону къатын алмакъ учун Месопотамиягъа йибергенни, атасы огъар шабагьаты булан бирче гьананлы къызланы алма деп буваргъанны,

о да, ата-анасыны айтгъанын этип, Месопотамиягъа гетгенни биле.

Шо заман Исав атасы гьананлы къызланы къабул этмейгенни англай.

О Исмайылны ягъына барып, оьзюне бирдагъы бир къатын этип Ибрагьимни уланы Исмайылны къызы, Невайотну къызардашы Магьалат деген къызны ала.

Шо вакътиде буса Бер-Шебадан чыгъып, Якъуб Гьаррангъа багъып ёл чыгъа.

О бир ерге етише туруп, гече бола. Шонда токътап, башыны тюбюне таш да салып, юхлама ята.

Тюшюнде о ерни де, кёкню де къошагъан батгъычны гёре. Шо батгъычдан Аллагьны малайиклери минип-тюшюп тура болгъанлар.

Раббибиз Якъубну къырыйында токътап, огъар булай дей: – Мен Раббимен, атанг Ибрагьимни, Исгьакъны Аллагьыман. Шу сен ятып турагъан топуракъны Мен сагъа ва сени наслуларынга бережекмен.

Сени наслуларынг къайыр бюртюклер чакъы кёп болажакъ. Олар гюнбатышгъа ва гюнтувушгъа, темиркъазыкъгъа ва къыблагъа багъып яйылажакълар. Сенден ва сени наслуларынгдан таба дюньяны бары да халкъларына шабагьат этилежек.

Мен даим сени булан болуп туражакъман. Сен къайда барсанг да, Мен сени къоруп сакълап туражакъман. Сени бу уьлкеге къайтарып гелтирежекмен. Мен сени къоюп къоймажакъман, ваъда этген бары да затымны яшавгъа чыгъаражакъман.

Якъуб уянып йиберип: – Гертиден де, шу ерде Раббибиз бар экен! Мен буса шону билмей тургъанман, – дей.

О къоркъуп, булай дей: – Не къоркъунчлу ер экен бу ер! Бу чу Аллагьны уью, кёклени къапулары!

Эртенине Якъуб оьзю башлыкъ этип ятгъан ташны ала, ону сыйлы таш йимик эретургъузуп салып, уьстюне зайтун май тёге.

Шо ерге о Бет-Эл деп ат тагъа. Шондан алда буса бу шагьарны аты Луз болгъан.

Якъуб булай ант эте: – Эгер де Аллагь мени якълай туруп, магъа аш да, опуракъ да берип, мени булан ёлда болуп турса,

мен де парахат кюйде атамны уьюне къайтсам, Рабби мени Аллагьым болажакъ.

Мен салгъан сыйлы таш Аллагьгъа сужда этеген ер болуп токътажакъ, Сен берген бары да затдан он пайдан бир пайын Сагъа берип туражакъман.

← Предыдущая

Бытие

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода