Шо вакътилерде Шинарны пачасы Амрапел, Элласарны пачасы Ариогь, Эламны пачасы Кедарламер ва Гоимни пачасы Тидал бирче жыйылып, Содомну пачасы Беругъа, Гьомораны пачасы Биршугъа, Адманы пачасы Шинавгъа, Севаимни пачасы Шемеверге, Беланы (гьали Соар деп айтылагъан) пачасына къаршы дав этмеге баралар.
Содомну пачасы, Гьомораны пачасы, Адманы пачасы, Цевоимни пачасы ва Беланы (гьали Соар деп айтылагъан) пачасы Сиддим къолда Эламны пачасы Кедарламерге, Гоимни пачасы Тидалгъа, Шинарны пачасы Амрапелге, Элласарны пачасы Ариогьгъа къаршы чыгъып, олар булан дав юрютелер. Дёрт пача беш пачагъа къаршы ябушалар.
Муна Симни ва ону наслуларыны гьакъындагъы хабар. Сув алыв битип, эки йылдан сонг, Симге юз йыл болагъанда, ондан Арпагьшат деген улан тува.