28
Аллагь оланы шабагьатлай туруп, булай деген: «Кёп яшлар тапдырыгъыз, артып йиберигиз, ер юзюн толтуругъуз, ону елегиз. Денгизлердеги балыкълагъа, кёкдеги къушлагъа, ерде юрюп айланагъан гьар-бир жангъа гьакимлик этигиз.
Аллагь Нугьну ва ону уланларын булай деп шабагьатлай: – Кёп яшлар тапдырыгъыз, артып йиберигиз, ер юзюн толтуругъуз.
Яшлар тапдырыгъыз ва артып йиберигиз чи, ер юзюн толтуруп, шонда ерлешигиз!
Муна яшлардыр Раббибизден гелеген наслу; Ондан гелеген савгъатдыр олар.
Насиплидир садагъын шолардан толтургъан адам! Гьеч илыкъмас дагъы олар душманы булан очарда сёйлейгенде.
Шо макюрчюлер къатын алмакъны гери ура, бир тюрлю ашланы ашама ярамай деп уьйрете. Шо ашланы чы Аллагь гьакъ гертиликни билегенлер ва огъар инанагъанлар шюкюрлюк булан къабул этсин деп яратгъан.