Дуьненан массо а маьІІера адамаш, Иза къобал а вина, Везачу Элана тІедоьрзур ду. Массо а къаьмнийн болчу доьзалша, охьа а таьІна, Цунна Іибадат дийр ду.
Ва Дела, хастамаш бойла Хьуна халкъаша. Хастамаш бойла Хьуна массо а халкъаша.
Самукъа а долийла, хазахетар а хуьлийла къаьмнийн, хІунда аьлча Ахь халкъашна тІехь нийсонца кхел а йо, лаьттарчу къаьмнашна тІехь урхалла а до.
Схьа а дуьйлий, хьовсийша Везачу Эло мел дечуьнга, лаьттахь Цо кхочуш мел дечу инзаре гІуллакхашка.
Хьамин тІаьхьенийн лаьтта тІехь Іаламаташ дина волу а, Эрзийн хІорд болчохь ларамах бузуьйту хІуманаш дина волу а.