Цо Эдом-мохк а дІалоцур бу, шен мостагІа долу СеІиран халкъ а дІалоцур ду. Ткъа Исраилан халкъан ницкъ совбер бу.
Хьоьца со хилча, аса эскар а эшадо, сайн Делаца со пенал дехьа а вуьйлу.
Хьан ницкъаца тхешан мостагІий оха юхабоху, Хьан цІарца тхайна дуьхьалбевлларш оха хьошу.
Делан нехан хІусамашкахь хезаш ду самукъане а, толаман а маьхьарий: «Везачу Элан аьтту куьйго толам боккху!
Везачу Элан куьг лекха хьалаайина ду, Везачу Элан аьтту куьйго толам боккху!»
«Со цхьаъ бен вацара кемсаш хьуьйчохь, халкъашна юкъара цхьа а вацара Соьца. Ас Сайн оьгІазаллица хьийшира уьш, Сайн дераллица этира уьш. Церан цІий Сан обанна тІе детталора, иштта Сайн бедар бехйина Ас.