Сан Дела! Ва сан Дела! Со хІунда вити Ахьа? Ас чІогІа орца даьккхинехь а, сан кІелхьарвалар генахь ду суна.
Сингаттамо дахар а гІелдина сан, шераш а узарш деш дІадовлу сан. Аса къинош леторна, сан ницкъ а дІабаьлла, сан даьІахкаш а малъелла.
Ца мегачу ваьлла со, воха а воьхна, узарш деш лела со, дог чІогІа дохарна.
Мотт ца хуург санна а, аз доцург санна а хуьлура со, ур-атталла диканна а вист ца хуьлура со. Ткъа сан баланаш совбевлира.
Сан дог алу хилла дІахІоьттира. Цуьнан дукха ойла ярна, сан кийрахь цІе елира. Со сайн маттаца дийца волавелира: