Хьо хьайн йишас дІакхехьначу некъа тІе елира. Цундела Ас хьоьга дІалур бу цуьнан таІзаран кад».
Хьалдолчу Эло иштта боху: «Хьайн йишин кад ахьа дІамер бу. Иза кІорга а, шуьйра а бу. Массо а хьох кхордуьйту цо. И кад буьззина ма бу!
Хьо ехна а хир ю, цо гІайгІанех юзур а ю хьо. ХІаллакьхиларан, Іожаллин кад хьан йиша йолчу Шамран-гІалин ма бу.
И кад ахьа дІамер бу берриг а, ткъа иза кагбелча, цуьнан аьхкашна тІе мотт хьоькхур бу ахьа, хьайн накхош а схьадохур ду ахьа. И иштта хир ду, иза Ас, Хьалдолчу Эло, аьлла дела».
Цундела Хьалдолчу Эло иштта боху: «Со виц а вина, Суна букъ берзорна, ахь бала лан беза хьайн боьха леларна а, хьайн нахаца леларна а».
Дийнахь галвер ву хьо, динан да, ткъа хьоьца цхьаьна буьйсанна пайхамарш а галбевр бу. Иштта хьан нана а дІасацор ю Аса.
Массо а и бохамаш адамашна тІебаьхкина, хІетте а шайн Везачу Далла тІе ца доьрзу уьш, адамаша Цуьнга гІо а ца доьху. Иштта Исраилан халкъан куралло а цунна дуьхьал тоьшалла до.