Амма Іесачуьнга Дала иштта боху: «Ас тІедехкинарш а хІунда кхайкхадо ахь, Соьца бина барт а хІунда бу хьан багахь?
Ткъа хьо нисвар хьуна бІаьрга дан ца деза, Сан дешнаш а хьайна тІехьа дІатотту ахьа.
Хьайна къу гича, цуьнца а лела хьо, сийсаза лелачаьрца а хьо-со хуьлу хьан.
Ахь хьайн багах вон дешнаш а довлуьйту, хьан матто мекарло а кхуллу.
Охьа а хаий, хьайн веших лаьцна вониг олу ахь, хьайн ненан кІантах лаьцна харцдерг кхуллу ахь.
Ахь иза леладора, ткъа Со вист ца хуьлура. Хьуна-м Со хьайх тера ву моьттира. Амма хІинца Ас хьуна тІехдеттар а ду, хьан бІаьргашна хьалха Ас хьох бехк боккхур а бу.
Цу тайпана, цара дан деза бохург дерриг а кхочушде, амма уьш санна ма лела, хІунда аьлча цара дан деза олу, ткъа шаьш и гІуллакхаш дан а ца до.
Цара чІогІа хала парзаш хІиттадо. Уьш кхочушдан чІогІа хала ду. И парзаш нахана тІе а дехкина, уьш цаьрга дІакхехьийта гІерта. Ткъа шаьш пІелг меттахбаьккхина а хІума дан лууш бац.