ЦІеххьана яьссачу аренгара хьаькхначу мохо цІийнан биъ пен охьабожийра. ЦІа охьадоьжча, хьан бераш цу буха а дахана, дайина. Со цхьаъ дийна висна, хьоьга хІара хаам бархьама».
Дала кхоьллина ду Ча а, Орион а, ВорхІ Седа а, иштта къилбехь долчу седарчийн массо куьцаш а.
ЖагІа санна йолу къора туху Цо. Цуьнан шелонна дуьхьал мила латталур ву?
ХІара бу доккхачу хин йистехь йолчу яьссачу аренах болу хаам. Къилберачу аренгахь хьоькху йилбазмехаш санна, чугІерташ бу яьссачу арара, кхерам тосуш болчу махкара.