Сан Дела! Ва сан Дела! Со хІунда вити Ахьа? Ас чІогІа орца даьккхинехь а, сан кІелхьарвалар генахь ду суна.
Кийра а буьзна дерачу чевнех сан, дегІа тІехь дийна меттиг а ца йисна сан.
Дийнаххьий, буьйсанний сайн бІаьрхих кхача хилира суна, «Мичахь ву ткъа хьан Дела?» – бохуш, дийнахь сарралц мостагІаша соьга хоьтту.
Сайн синан Іаткъам дІа а балхош, хІара ду суна дагаоьхург: адамийн тобанашца сайн лелар, Делан цІа долчу сайн хьалхавийлар. Халкъаца цхьаьна аса а кхойкхура дезде даздечу хенахь хазахетаран а, баркаллин а озаца.
Ахьа Хьайн халкъана бІаьрхих дуьзна бепиг даийна, дуккха а бІаьрхиш а малийна Ахьа цунна.
Бепиг санна, чим боу аса, ас молуш мел дерг сан бІаьрхиша дурдина.