ВорхІалгІачу дийнахь, шен дог чагІар бахьана долуш самукъадаьлла дІахІоьттинчу меттехь, паччахьо шен ваьІна волчу ворхІ ялхочуьнга МахІу-Манига, Бизатига, Хьарбунига, БигІатига, АбагІтига, Зитарга, иштта КІаркасе а омра дира,
Иза шена хиъча, Мардахайс и хІума паччахьан зуда йолчу Эсирате дІадийцира, ткъа Эсирата иза Ахьаш-Варуш-паччахье дийцира. Мардахайн цІарах цо иштта хаам а бира.
ТІаккха Зеришата а, массо доттагІаша а цуьнга элира: «Шовзткъе итт дол лекха бІогІам дІахІоттабе алий, омра де. Іуьйранна паччахье цу тІехь Мардахай ирхъолла ала. Цул тІаьхьа, хьайн дог паргІат а долуш, паччахьца тойне гІур ву хьо». И дешнаш ХІаманна чІогІа тайра. Цо омра дира, бІогІам дІахІоттабе аьлла.
Кхечунна ор доккхург ша оцу ор чу вужур ву.
ДогцІена болчеран нийсоно царна нийса некъ боккху, ткъа Іесачу нехан Іесалло уьш охьаоьгуьйту.
Бакъахьа лелаш верг шен нийсоно кІелхьарвоккхур ву, амма мекарниг шен Іесачу лаамо дІалоцур ву.