Цу наха, Мусана тІе а баьхкина, элира: «Оха кхузахь тхайн жа чудерзо гІотанаш а йийр ю, тхайн зударшна а, берашна а гІаланаш а йийр ю.
Гадахоша юхаметтахІиттийра иштта гІаланаш: Дибон, Іатрут, ІаруІер,
Іатрут-Шупан, ЯІзир, ЙогІбахІа,
Байт-Нимра, Байт-ХІаран. Царах гадахоша чІагІйина гІаланаш йира. Иштта шайн жашна гІотанаш а йира цара.
Раабанхоша юхаметтахІиттийра Хьешбон, ЭлиІала, Кхиръятим,
иштта Набу а, БаІал-МаІун а (тІаьхьо церан цІераш хийцинера), иштта Сибма-гІала а. Шаьш юхаметтахІиттийначу гІаланашна цІераш техкира цара.