Günbatar gapdalynda öz tugy astynda efraýym goşunlarynyň düşelgesi bolsun. Efraýymlaryň baştutany Emihudyň ogly Elişamadyr.
Onuň goşunynda hasaba alnanlar kyrk müň bäş ýüz adamdyr.
Onuň ýanynda manaşa tiresiniň düşelgesi bolsun. Manaşalaryň baştutany Pedahsuryň ogly Gamalyýeldir.
Onuň goşunynda hasaba alnanlar otuz iki müň iki ýüz adamdyr.
Onuň gapdalynda benýamin tiresiniň düşelgesi bolsun. Benýaminleriň baştutany Gidgonynyň ogly Abydandyr.
Onuň goşunynda hasaba alnanlar otuz bäş müň dört ýüz adamdyr.
Efraýym düşelgesindäki goşunyň jemi bir ýüz sekiz müň bir ýüz adam. Olar ýörişe üçünji bolup çyksynlar.