Книга От Луки Cтих 16 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

От Луки Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

От Луки

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24

Гайсә як-ягына карады һәм байларның сәдака сандыгына сәдака салуын күрде.

Шулай ук фәкыйрь тол хатынның да ике вак акча салуын күрде

һәм әйтте:– Сезгә хак сүз әйтәм: бу фәкыйрь тол хатын башкаларга караганда күбрәк салды.

Чѳнки тегеләрнең барысы да үзләреннән артканын Аллаһыга бүләк иттеләр, ә бу хатын, фәкыйрь була торып, яшәү ѳчен кирәк булган бар булганын салды.

Кайберәүләр Аллаһы Йортының затлы ташлар һәм Аллаһыга багышланган бүләкләр белән бизәлгән булуы хакында сѳйләгәндә, Гайсә әйтте:

– Килер кѳннәр, сез монда күргәннәрнең берсеннән дә таш ѳстендә таш та калмаячак, барысы да җимереләчәк.

Шунда Аннан сорадылар:– Остаз! Бу кайчан булачак соң? Һәм аларның тиздән булачагын нинди билге аша беләчәкбез?

Гайсә әйтте:– Сак булыгыз, сезне алдамасыннар; чѳнки күпләр Минем исемем белән килерләр һәм: «Мин – Ул», «Ул вакыт инде якын», – диярләр. Андыйларга иярмәгез.

Сугышлар һәм чуалышлар хакында ишеткәндә, куркуга тѳшмәгез. Бу вакыйгалар алдан булырга тиеш, ләкин әле бу ахыры түгел.

Һәм Ул дәвам итеп әйтте:– Халык халыкка каршы, патшалык патшалыкка каршы чыгар.

Урыны-урыны белән кѳчле җир тетрәүләр, ачлык булыр, үләтләр чыгар, күктә куркыныч күренешләр һәм бѳек галәмәтләр күренер.

Әмма боларның барыннан да элек Минем хакка сезне кулга алырлар һәм эзәрлекләрләр, сезне хѳкем итү ѳчен гыйбадәтханәләргә алып барырлар һәм тѳрмәләргә утыртырлар. Сезне патшалар һәм идарәчеләр алдына алып барырлар.

Ул чакта сез Минем турыда шаһитлек бирә алырсыз.

Шулай итеп, күңелегезгә салып куегыз: «Үзебезне ничек итеп якларбыз», – дип, алдан уйламагыз.

Чѳнки Мин сезгә тиешле сүзләр һәм зирәклек бирермен, сезнең дошманнарыгызның берсе генә дә аларга каршы чыга һәм каршы тора алмаслар.

Хәтта ата-аналарыгыз да, агай-энеләрегез дә, кардәшләрегез дә, дусларыгыз да сезгә хыянәт итәрләр, һәм кайберләрегез үтертелер дә.

Параллельные места

От Матфея 10:21

От Луки 12:52

Туган туганын, ата баласын үлемгә тапшырыр, ә балалар ата-аналарына каршы чыгып, аларны үтертерләр. Чѳнки моннан соң биш кешедән торган гаилә кешеләре бер-берсенә каршы булыр, ѳчесе икесенә каршы, ә икесе ѳчесенә каршы булыр.

Барысы да Минем ѳчен сезне нәфрәт итәр.

Шулай да, башыгыздагы чәчегезнең бер генә бѳртеге дә югалмас.

Чыдамлыгыгыз белән тормышыгызны коткарырсыз.

Иерусалимның гаскәрләр тарафыннан чолгап алынуын күргән вакытта, белеп торыгыз: аның җимерелү вакыты якын инде.

Шул чакта Яһүдиядә булганнар тауларга качсын; шәһәрдәгеләр аннан чыксын; авыл тирәсендәгеләр анда кермәсен.

Чѳнки ул кѳннәр – үч алу кѳннәре һәм ул кѳннәрдә Изге язмада язылганнарның барысы да тормышка ашар.

Ул кѳннәрдә йѳкле һәм бала имезүче хатыннарга кайгы! Чѳнки бу илгә зур афәт һәм бу халыкка нәфрәт киләчәк:

берәүләр кылыч белән үтереләчәк, кайберәүләрне әсир итеп барлык илләргә алып китәчәкләр; һәм, мәҗүсиләрнең вакыты үткәнче, алар Иерусалимны таптаячак.

Кояшта да, айда да, йолдызларда да галәмәтләр булачак, җирдәге халыклар ѳметсезлеккә биреләчәк һәм диңгезнең кѳчле шаулавына һәм котыруына аптырап калачак.

Галәмгә киләчәк афәтләрне кѳтеп, кешеләр куркудан аңнарын югалтыр, чѳнки күк кодрәтләре селкетелер.

Шул вакыт кодрәт һәм балкып торган бѳек дан белән болытта килүче Адәм Улын күрерләр.

Болар гамәлгә аша башлагач, курыкмыйча, тураеп басыгыз, башларыгызны күтәрегез, чѳнки сезнең котылуыгыз инде якын.

Гайсә аларга бер гыйбрәтле сүз сѳйләде:– Инҗир агачына һәм барлык агачларга карагыз:

аларның яфрак яра башлавын күреп, сез тиздән җәйнең инде җитәчәген беләсез.

Шуның кебек үк, бу хәлләрнең гамәлгә ашуын күргәндә, сез Аллаһы Патшалыгының якын икәнен белерсез.

Сезгә хак сүз әйтәм: боларның барысы да тормышка ашмыйча, бу буын кешеләре үлмәячәк.

Күк һәм җир юкка чыгачак, әмма Минем сүзләрем һичкайчан юкка чыкмаячак.

Сак булыгыз, артык ашап-эчү, эчеп-исерү һәм тормыш мәшәкатьләре сезнең белән идарә итмәсен, ул кѳн сезгә, тозак кебек, кѳтмәгәндә килмәсен.

Чѳнки ул кѳн җир йѳзендәге кешеләрнең барысын да куып җитәр.

Шулай итеп, һәрвакыт уяу булыгыз һәм, булырга тиешле барлык нәрсәләрдән качып котылырга һәм Адәм Улы каршына килеп басарга кѳчегез булсын ѳчен, дога кылыгыз.

Кѳндезләрен Гайсә Аллаһы Йортында ѳйрәтә, ә кич җиткәч, аннан китеп, тѳннәрен Зәйтүн тавы дип аталган тауда үткәрә иде.

Бѳтен халык иртән иртүк Аны тыңлау ѳчен Аллаһы Йортына килә иде.

← Предыдущая

От Луки

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24

Выбор основного перевода