Книга От Луки Cтих 17 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

От Луки Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

От Луки

1 2 3 4 5 6 7 8 9 10 11 12 13 14 15 16 17 18 19 20 21 22 23 24

Шул вакыт корбан китергән вакытта Пилатның әмере буенча үтерелгән гәлиләяле кешеләр турында Гайсәгә килеп сѳйләделәр.

Гайсә моңа карата болай диде:– Бу гәлиләялеләр шулай газап чиккәннәр икән, алар калган бар гәлиләялеләргә караганда гѳнаһлырак булганнар дип уйлыйсызмы әллә?

Сезгә әйтәм: юк! Әмма тәүбә итмәсәгез, барыгыз да алар кебек һәлак булырсыз.

Яки сез Шилуахтагы манара авып басып үтергән шул унсигез кеше Иерусалимда яшәүчеләрнең барысыннан да гаеплерәк булган дип уйлыйсызмы әллә?

Сезгә әйтәм: юк! Әмма, тәүбә итмәсәгез, барыгыз да алар кебек һәлак булырсыз.

Ул мондый гыйбрәтле хикәя сѳйләде:– Берәүнең йѳзем бакчасында инҗир агачы үскән. Бервакыт ул бакчага килгән һәм агачтан җимеш эзләргә тотынган, ләкин таба алмаган.

Һәм бакчачыга әйткән: «Менә ѳч ел инде мин шушы инҗир агачының җимешен җыярга дип киләм, ләкин таба алмыйм. Кисеп ташла аны! Ни ѳчен ул урын алып тора?»

Бакчачы исә аңа болай дип җавап биргән: «Хуҗам, аны тагын бер елга калдырып тор, мин аның әйләнә-тирәсен казып, тирес салырмын,

бәлки киләсе елда җимеш бирер? Ә юк икән, ул чакта кисеп ташларга кушарсың».

Гайсә шимбә кѳнне бер гыйбадәтханәдә ѳйрәтте.

Анда бер хатын-кыз бар иде. Аның эчендә унсигез ел буена явыз рух торган. Бу рух аны гарипләндергән, хатын бѳкрәеп беткән һәм бѳтенләй турая алмаган.

Гайсә, аны күреп, Үзе янына чакырып алды һәм аңа:– Апа, син чиреңнән азат ителдең, – диде.

Гайсә аның ѳстенә кулларын куеп алды; хатын шундук тураеп басты һәм Аллаһыны данлый башлады.

Бу хәлдән соң, гыйбадәтханә башлыгы, Гайсәнең шимбә кѳнне савыктыруына ачуы килеп, халыкка әйтте:– Эшләү ѳчен атнада алты кѳн бар; чирләрегездән савыгу ѳчен шимбә кѳнне түгел, бәлки шул кѳннәрнең берсендә килегез.

Раббы аңа җавап итеп әйтте:– Монафикълар, сезнең һәркайсыгыз шимбә кѳнне, үгезен яки ишәген утлыктан ычкындырып, су эчертергә алып бармыймыни?

Унсигез ел буена шайтан бәйләп тоткан, Ибраһим нәселеннән булган бу хатынны бу чирдән шимбә кѳнне азат итәргә ярамыймыни?

Ул бу сүзләрне әйткәч, Аңа каршы килүчеләр барысы да оялдылар; бѳтен халык исә Ул кылган данлы эшләрнең һәммәсенә шатланды.

Параллельные места

1. Петра 3:16

вѳҗданыгыз саф булсын. Шул вакытта, Мәсихнеке булуыгызны һәм игелекле эшегезне күреп, сезне яманлаган гаепләүчеләр оятка калырлар.

Шуннан соң Гайсә сорады:– Аллаһы Патшалыгы нәрсәгә охшаш һәм аны нәрсә белән чагыштырыйм?

Ул бер кешенең үз бакчасына утырткан горчица орлыгына охшаган: ул үскән, агач булган, һәм кошлар аның ботакларына оя корганнар.

Ул тагын сорады:– Аллаһы Патшалыгын нәрсә белән чагыштырып була икән?

Ул чүпрә кебек; менә бер хатын чүпрә белән бер капчык оннан камыр басып куйган һәм берникадәр вакыттан соң бѳтен камыр кабарган.

Гайсә, шәһәрләр, авыллар аша үтеп, ѳйрәтә-ѳйрәтә, Иерусалимга таба юл тотты.

Кемдер Аннан сорады:– Әфәндем! Котылучыларның саны аз булырмы?Ул исә андагы кешеләргә әйтте:

– Бар кѳчегезне куеп, тар ишек аша керергә тырышыгыз; чѳнки сезгә әйтәм: күпләр керергә тырышырлар, әмма керә алмаслар.

Йорт Хуҗасы, урыныннан торып, ишекне бикләгәннән соң, сез тышкы якта калып, ишек кага башларсыз һәм: «Әфәндем! Безгә ишекне ач әле», – диярсез. Ә Ул сезгә: «Мин сезне белмим, кайдан килгәнегезне дә белмим», – дип җавап бирер.

Шунда сез: «Без Синең белән ашадык, эчтек, һәм Син урамнарыбызда безне ѳйрәттең», – дип әйтә башларсыз.

Әмма Ул әйтер: «Сезнең кайдан икәнегезне белмим, барлык явызлык кылучылар, Минем янымнан китегез!»

Сез Ибраһимның, Исхакның, Ягъкубның һәм барлык пәйгамбәрләрнең Аллаһы Патшалыгында икәннәрен, ә үзегезнең аннан куып чыгарылган булуыгызны күреп, еларсыз һәм тешләрегезне шыкырдатырсыз.

Кѳнчыгыштан һәм кѳнбатыштан, тѳньяктан һәм кѳньяктан килерләр һәм Аллаһы Патшалыгындагы мәҗлестә утырырлар.

Хәзер ахыргы булган кайберәүләр – беренче, беренче булган кайберәүләр ахыргы булырлар.

Шул вакытта берничә фарисейләр килеп, Гайсәгә әйттеләр:– Моннан кит, чѳнки Һируд Сине үтерергә тели.

Ул аларга болай дип җавап бирде:– Барыгыз, ул тѳлкегә әйтегез: «Бүген һәм иртәгә җеннәрне куып чыгарам, авыруларны савыктырам һәм берсекѳнгә эшемне тәмамлармын».

Алай гына да түгел, Мин бүген дә, иртәгә дә һәм берсекѳнгә дә Үз юлымны дәвам итәргә тиешмен, чѳнки пәйгамбәрнең Иерусалимнан читтә үтерелүе мѳмкин түгел.

Иерусалим! Пәйгамбәрләрне үтерүче, үзеңә җибәрелгәннәрне ташлар атып үтерүче Иерусалим! Кош үзенең балаларын канаты астына җыйган кебек, Мин дә синең кешеләреңне ничә тапкыр шулай бергә җыярга теләдем, әмма сез теләмәдегез!

Инде тыңлагыз: сезнең Изге йортыгыз ташлап калдырылыр. Мин сезгә әйтәм: «Раббы исеме белән Килүче мѳбарәк!» – дип сез әйтер вакыт җитми торып, Мине күрмәссез.

← Предыдущая

От Луки

1 2 3 4 5 6 7 8 9 10 11 12 13 14 15 16 17 18 19 20 21 22 23 24

Выбор основного перевода