Книга К Римлянам Cтих 8 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

К Римлянам Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

К Римлянам

Следующая →

1 2 3 4 5 6 7 8 9 10 11 12 13 14 15 16

Шулай итеп, яһүд булуның ѳстенлеге яки сѳннәтле булуның файдасы бармы?

Һәрьяктан зур ѳстенлек бар! Аллаһы сүзе иң элек нәкъ аларга әманәт ителгән.

Шулай булгач, кайберәүләр Аллаһыга тугрылыклы булмаган икән, ни булыр? Аларның тугры булмаулары Аллаһының тугрылыклыгын юкка чыгарырмы?

Һич тә алай түгел! Һәр кеше ялганчы булса да, Аллаһы хак, Үз сүзенә турылыклы. Шуңа күрә, Аның турында Изге язмада язылганча: «Синең сүзләрең хак дип танылыр, һәм хѳкем ителгәндә җиңәрсең».

Әгәр безнең гаделсезлегебез Аллаһының хаклыгын ачыграк күрсәтә икән, Аллаһы ѳстебезгә ачуын яудырып дѳрес эшләмәде, дип әйтә алабызмы? (Мин биредә кешеләрчә фикер йѳртәм).

Һич тә! Юкса Аллаһы дѳньяны ничек хѳкем итә алыр иде?

Әмма минем ялганым аркылы Аллаһының хакыйкате ачыграк күренгәнгә Аның даны һаман арта икән, ни ѳчен соң әле мин гѳнаһлы дип хѳкем ителәм?

Ни ѳчен соң: «Әйдәгез, яхшылык килсен дип, яманлык кылыйк!» – дип әйтмәскә? Кайберәүләр, безне яманлап, имеш, без шулай әйтәбез, дип сѳйлиләр. Алар үзләренә тиешле хѳкемне алырлар.

Параллельные места

К Римлянам 6:1

К Римлянам 6:2

Нәрсә әйтик соң? Аллаһының мәрхәмәте артсын дип, гѳнаһ кылуны дәвам итәргәме? Һичбер вакытта да! Без гѳнаһка карата үле: шулай булгач, ничек гѳнаһ кылуны дәвам итә алабыз?

Шулай итеп нәрсә? Безнең хәлебез яһүд булмаганныкылардан яхшыракмы? Һич тә юк; чѳнки без инде ачык күрсәттек: яһүдләр дә, яһүд булмаганнар да – барысы да гѳнаһ хакимлеге астында.

Изге язмада язылганча: «Бер тәкъва кеше дә юк, бер генә дә.

Акылга ия булучы беркем дә юк, Аллаһыны эзләми беркем дә.

Барысы да Аллаһыдан читләштеләр һәм Аңа яраксыз булдылар; яхшылык эшләүче юк, берәү дә юк.

Аларның бугазлары – ачык кабер, иреннәрендә елан агуы, телләре белән алдыйлар,

аларның авызы ләгънәт һәм әрнү белән тулы.

Аларның аяклары кан түгү ѳчен җитез,

алар булып узган җирдә бары җимерек һәм һәлакәт кенә кала.

Алар иминлек юлын белмиләр.

Аллаһыны хѳрмәт итү турында уйлап та карамыйлар».

Ә без беләбез: үзен акларга дип авызын да ачмасын ѳчен һәм бар дѳнья Аллаһы каршында гаепле булсын ѳчен, канун нәрсә дә булса сѳйли икән, ул канун хакимлеге астында булганнарга сѳйли,

канун таләпләрен үтәү белән Аның каршында беркем дә акланган булмас бит. Дѳресрәге, без канун аркылы гѳнаһның нәрсә икәненә тѳшенәбез.

Әмма хәзер Аллаһының кешене Муса кануныннан бәйсез рәвештә хак санавы күренде. Бу турыда канун һәм пәйгамбәрләр шаһитлек итә.

Аллаһы Гайсә Мәсихкә иман итү аша барлык ышанучыларны хак саный. Кеше белән кеше арасында аерма юк,

чѳнки барысы да гѳнаһ кылдылар һәм Аллаһының даныннан мәхрүм калдылар.

Ә алар Аның мәрхәмәте белән, үзләрен йолып алучы Мәсих Гайсә аша, Аллаһы тарафыннан түләүсез акланалар.

Аллаһы Гайсәне, Аның үлеме аша Гайсәгә иман итүчеләрнең гѳнаһлары кичерелсен ѳчен, Аллаһы белән татулаштыручы, кичерү алып килүче корбан итеп билгеләп куйды. Шулай эшләп, элек кылынган гѳнаһлар ѳчен җәза бирмичә, Ул, зур сабырлык күрсәтеп, Үзенең хаклыгын раслады.

Ул шулай итеп хаклыгын хәзер дә күрсәтә: Ул Үзе хак һәм Гайсәгә иман итүчеләрне аклый.

Без хәзер нәрсә белән мактана алабыз? Бер нәрсә белән дә мактана алмыйбыз. Нинди кагыйдә белән? Канун таләпләрен үтәү беләнме? Юк, иманыбыз булу белән.

Чѳнки без раслыйбыз: кеше, канун таләпләрен үтәүдән тыш, иман белән Аллаһы тарафыннан аклана.

Аллаһы – яһүдләр Аллаһысы гынамы, башка халыклар Аллаһысы да түгелмени? Әлбәттә, башка халыклар Аллаһысы да,

чѳнки Аллаһы бер, Ул яһүдләрне иман белән һәм яһүд булмаганнарны иман аша аклый.

Шулай итеп, без иман итү белән канунны юкка чыгарабызмы? Һич тә алай түгел, киресенчә, без аны раслыйбыз.

← Предыдущая

К Римлянам

Следующая →

1 2 3 4 5 6 7 8 9 10 11 12 13 14 15 16

Выбор основного перевода