Книга Иакова Cтих 20 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Иакова Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

Иакова

1 2 3 4 5

Байлар, сез тыңлагыз! Сезгә якынлашучы бәхетсезлекләр ѳчен ыңгырашып елагыз.

Сезнең байлыгыгыз череп бетте, киемнәрегезне кѳя ашап бетерде.

Алтын-кѳмешләрегез тутыкты! Бу тутык сезгә каршы дәлил булачак һәм тәнегезне ут шикелле ашаячак. Байлыкны шушы соңгы кѳннәрдә тупладыгыз.

Кырларыгызда эшләүчеләр сезнең ѳчен уңыш җыйды, сез исә аларга түләмәдегез. Тыңлагыз – хакы түләнмәгән хезмәт сезгә каршы кычкыра. Уракчыларның ачы тавышлары Чиксез Кодрәтле Раббының колакларына барып ишетелде.

Җирдә яшәгәндә сез күңелегезне күрдегез. Сезне чалу ѳчен билгеләнгән кѳндә үзегезне симерттегез.

Гаепсезне хѳкем иттегез һәм үтердегез; ул сезгә каршы килми.

Имандашлар, Раббының килүенә кадәр сабыр булыгыз. Игенченең үз җиреннән кыйммәтле уңыш кѳтеп алуын исегездә тотыгыз. Ул сабырлык белән кѳзге һәм язгы яңгырлар кѳтә.

Сез дә шулай ук сабыр булыгыз. Күңелегезне ныгытыгыз, чѳнки Раббы киләчәк кѳн якын.

Имандашлар, бер-берегезгә каршы әләкләмәгез, алай эшләсәгез, хѳкем ителерсез. Хаким инде ишек янында тора.

Имандашлар, Раббы исеменнән сѳйләгән пәйгамбәрләрнең газаплануларыннан һәм түземлелекләреннән үрнәк алыгыз.

Түзеп нык торганнарны без бәхетле дип атыйбыз. Сез Әюбнең сабырлыгы турында ишеттегез һәм Раббының ахырда аның белән нәрсә эшләгәнлеген күрдегез; Раббы шәфкатьлелек белән тулы һәм рәхимле бит.

Иң элек, имандашларым, ант итмәгез; күк-җир белән дә, я башка нәрсә белән дә ант итмәгез. Аллаһы хѳкеменә дучар булмас ѳчен, сезнең «Әйе» – «Әйе» булсын, «Юк» – «Юк» булсын.

Сезнең берәрегез газапка дучар була икән, дога кылсын. Кайсыгыз бәхетле, мактау җырлары җырласын.

Кайсыгыз авыру булса, шул иман итүчеләр бердәмлеге ѳлкәннәрен чакырсын һәм алар, Раббы исеме белән, аңа зәйтүн мае сѳртеп, аның ѳчен дога кылсыннар.

Иман белән кылынган дога авыруны сәламәтләндерер, Раббы аны савыктырыр. Әгәр ул гѳнаһлар кылган булса, Аллаһы аны гафу итәр.

Шулай итеп, савыгу ѳчен, бер-берегез алдында гѳнаһларыгызны икърар итегез һәм бер-берегез ѳчен дога кылыгыз. Тәкъва кеше догасы зур куәткә һәм кѳчле тәэсиргә ия.

Ильяс безнең кебек үк кеше булган. Яңгыр яумасын ѳчен, ул тырышлык белән дога кылган һәм ул җирдә ѳч ел ярым яңгыр яумаган.

Соңыннан ул тагын дога кылган, һәм күк яңгыр җибәргән, җир уңыш китергән.

Имандашларым, әгәр сезнең берәрегез хакыйкатьтән читләшеп, икенчегез аны хакыйкать кочагына кире кайтарса,

ул вакытта белегез: гѳнаһлыны ялган юлыннан кире кайтаручы кеше бу гѳнаһлының җанын үлемнән коткарыр һәм күп гѳнаһларның кичерелүен тәэмин итәр.

Параллельные места

К Римлянам 11:14

1. Петра 4:8

Үз халкымнан булганнарда, шул рәвешчә кѳнчелек уятып, аларның кайберләрен коткара алуыма ѳметләнәм. Барыннан да бигрәк бер-берегезне эчкерсез яратыгыз, чѳнки мәхәббәт күп гѳнаһларны юкка чыгара,

← Предыдущая

Иакова

1 2 3 4 5

Выбор основного перевода