Хорз дыргъ цы бӕласыл нӕ зайы, уый акалынц ӕмӕ йӕ баппарынц арты.
Хӕмпӕлгӕрдӕг куыд ӕмбырд кӕнынц ӕмӕ йӕ арты куыд басудзынц, афтӕ уыдзӕн, дунейӕн йӕ кӕрон куы ӕрцӕуа, уӕд дӕр:
Ӕмӕ сын загъта ацы фӕсномыг ныхас: «Иу адӕймагӕн йӕ сӕнӕфсирдоны уыди легъуибӕлас, ӕрцыд ӕм гагатӕ ӕртонынмӕ, фӕлӕ йыл не ссардта.
Уӕд загъта сӕнӕфсирдонгӕсӕн: „Ныр ӕртыккаг аз цӕуын ацы легъуибӕласыл гагатӕ фенынмӕ, ӕмӕ йыл нӕ арын. Акал ӕй, дзӕгъӕлы ма зӕхх дӕр цы ахсы".
Фӕлӕ йын уый дзуапп радта: „Ме 'лдар, ныууадз-ма йӕ ацы аз. Ӕз ын йӕ алфамбылай скъахдзынӕн ӕмӕ йыл фаджыс ныккӕндзынӕн,
Кӕд ыл инназ гагатӕ ӕрзаид; кӕд нӕ, уӕд ӕй акалдзынӕ"».
Мемӕ чи нӕ уа, уый ӕппӕрст ӕрцӕудзӕн къалиуау ӕмӕ бахус уыдзӕн. Ахӕм къалиутӕ та ӕрӕмбырд кӕнынц, баппарынц сӕ арты ӕмӕ басудзынц.
Уадз ӕмӕ мах уырнджытӕ дӕр сахуыр уой, ӕххуысы сӕр кӕм хъӕуы, уым ӕнувыдӕй хорз хъуыддӕгтӕ аразыныл, науӕд сӕ уырнындзинад уыдзӕн ӕнӕпайда.