Ӕмӕ Йӕ ӕгӕрон хъӕздыгдзинадӕй мах райстам хорзӕх хорзӕхы фӕдыл.
Уымӕн ӕмӕ Хуыцау афтӕ бауарзта дуне, ӕмӕ радта Йӕ Иунӕг Фырты, цӕмӕй Йыл чидӕриддӕр ӕууӕнды, уый ма фесӕфа, фӕлӕ йын уа мыггагмӕйы цард.
Йесойы систӕуыд Хуыцауы рахиз фарсмӕ, ӕмӕ Йӕ Фыдӕй райста, зӕрдӕ Йын Кӕмӕй бавӕрдӕуыд, уыцы Сыгъдӕг Уды, ӕмӕ дзы схайджын кодта адӕмы, сымах ныртӕккӕ куыд уынут ӕмӕ хъусут, афтӕ.
Фӕлӕ Йӕхӕдӕг Йӕхи сгӕвзыкк кодта – схайджын цагъары ӕрдзыхъӕдӕй, сси адӕймаджы халдих, ӕмӕ бакастӕй дӕр уыд адӕймаджы хуызӕн.
Уый ӕрныллӕг кодта Йӕхи – афтӕ коммӕгӕс уыди, ӕмӕ амард, уыимӕ мӕлгӕ та дзуарыл акодта.
Ӕмӕ Йӕ Хуыцау афтӕ сбӕрзонд кодта, ӕмӕ Йын радта ӕппӕт нӕмттӕй дӕр уӕлдӕр ном,
Ӕмӕ алчидӕр ӕргомӕй зӕгъа: Йесо Чырысти Хицау у. Уый уыдзӕни Фыд-Хуыцауы кадӕн.
Ӕмӕ ахӕм стыр бынаты йӕхи ничи сӕвӕрдзӕн – Хуыцау ӕй хъуамӕ сӕвзара, Аароны куыд сӕвзӕрста, афтӕ.
Уӕд, куыд ӕнхъӕл стут, цас карздӕр ӕфхӕрды аккаг уыдзӕни, Хуыцауы Фырты чи ссӕнды ӕмӕ, сыгъдӕггонд кӕмӕй ӕрцыди, фидыды уыцы Туг чи ницӕмӕ дары ӕмӕ хорзӕх дӕттӕджы Уды чи фауы, уый?
Уый у Хуыцауимӕ фидауынгӕнӕг нывонд нӕ тӕригъӕдты тыххӕй, ӕмӕ ӕрмӕст мах тӕригъӕдты тыххӕй нӕ, фӕлӕ ӕппӕт дунейы тӕригъӕдты тыххӕй дӕр.