Книга Исход Cтих 34 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Исход Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Исход

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Хуыцау Моисейӕн загъта: «

Фыццаг мӕйы фыццаг бон Фембӕлды Цатыр ӕрӕвӕр йӕ бынаты.

Йӕ мидӕг ын нывӕр фидыды Чырын, ӕмӕ Чырын бамбӕрз йӕ ӕмбӕрзӕнӕй.

Бахӕсс фынг ӕмӕ йыл ӕрӕвӕр йеппӕт дзаумӕттӕ; бахӕсс рухсгӕнӕн ӕмӕ йыл сӕвӕр йӕ цырӕгътӕ.

Фидыды Чырыны раз ӕрӕвӕр сыгъзӕрин нывондхӕссӕн буд судзынӕн, ӕмӕ Цатырмӕ бацӕуӕныл ӕрцауындз ӕмбӕрзӕн.

Иууылсудзинаг нывонды нывондхӕссӕн ӕрӕвӕр Фембӕлды Цатырмӕ бацӕуӕны.

Фембӕлды Цатыры ӕмӕ нывондхӕссӕны ӕхсӕн ӕрӕвӕр хихсӕн, ӕмӕ дзы ныккӕн дон.

Цатыры алыварс сараз кӕрт, ӕмӕ кӕрты дуарыл ӕрцауындз ӕмбӕрзӕн.

Уый фӕстӕ райс сӕрдӕн зети ӕмӕ дзы байсӕрд Цатыр, ӕмӕ Цатыры цыдӕриддӕр ис, ӕппӕт уыдӕттӕ. Ӕмӕ йӕ йеппӕт дзаумӕттимӕ снывонд кӕн Дунедарӕгӕн, ӕмӕ Йын уыдзӕни иууылсыгъдӕг нывондхӕссӕн.

Байсӕрд иууылсудзинаг нывонды нывондхӕссӕн йеппӕт мигӕнӕнтимӕ, ӕмӕ нывондхӕссӕн снывонд кӕн Дунедарӕгӕн, ӕмӕ афтӕмӕй уыдзӕни иууылсыгъдӕг нывондхӕссӕн.

Хихсӕн йӕ бынӕвӕрӕнимӕ байсӕрд зетийӕ, ӕмӕ йӕ снывонд кӕн Дунедарӕгӕн.

Аароны ӕмӕ йӕ фыртты ӕрбахон Фембӕлды Цатыры бацӕуӕнмӕ, ӕмӕ сӕ ӕрнай донӕй.

Аароныл скӕн сӕрмагонд дарӕс, байсӕрд ӕй зетийӕ ӕмӕ Мын ӕй снывонд кӕн сауджынӕн.

Ӕрбахон ын йӕ фыртты дӕр, ӕмӕ сыл скӕн даргъ хӕдӕттӕ.

Ӕмӕ сын сӕ фыды зетийӕ куыд байсӕрстай, афтӕ байсӕрд уыдоны дӕр, ӕмӕ Мын уыдзысты сауджынтӕ. Куы сӕ байсӕрдай, уӕд сӕ хӕдзарвӕндаджы ӕппӕт фӕлтӕртӕ мыггагмӕ уыдзысты сауджынтӕ».

Ӕмӕ Моисей ӕппӕт дӕр сарӕзта, Хуыцау ын куыд бафӕдзӕхста, афтӕ.

Ӕмӕ дыккаг азы фыццаг мӕйы фыццаг бон ӕрӕвӕрдтой Цатыр.

Моисей ӕрӕвӕрдта Цатыр, ӕрӕвӕрдта йын йӕ бынӕвӕрӕнтӕ, сӕвӕрдта цыппӕрдигъон цӕджындзтӕ, баиу сӕ кодта хъилтӕй, сӕвӕрдта тымбыл цӕджындзтӕ;

Цатырӕн сӕвӕрдта йӕ сӕр ӕмӕ йӕ бамбӕрзта, Хуыцау Моисейӕн куыд бафӕдзӕхста, афтӕ.

Моисей райста фидыды къӕйдуртӕ ӕмӕ сӕ нывӕрдта фидыды Чырыны, хъилтӕ атъыста Чырыны цӕгты, ӕмӕ Чырынӕн ӕрӕвӕрдта йӕ сӕр.

Фидыды Чырын бахаста Цатырмӕ, ӕрцауыгъта ӕмбӕрзӕн, ӕмӕ Чырын нал зынди ӕмбӕрзӕнӕй, Моисейӕн Дунедарӕг куыд бафӕдзӕхста, афтӕ.

Моисей фынг сӕвӕрдта Фембӕлды Цатыры цӕгат фарс, ӕмбӕрзӕны ӕдде.

Хуыцауы раз фынгыл дзултӕ равӕрдта рӕнхъӕй, Моисейӕн Дунедарӕг куыд бафӕдзӕхста, афтӕ.

Фембӕлды Цатыры хуссар фарс, фынджы акомкоммӕ, сӕвӕрдта рухсгӕнӕн.

Цырӕгътӕ сӕвӕрдта рухсгӕнӕныл Дунедарӕджы раз, Хуыцау Моисейӕн куыд бафӕдзӕхста, афтӕ.

Стӕй Фембӕлды Цатыры, ӕмбӕрзӕны раз, сӕвӕрдта сыгъзӕрин нывондхӕссӕн,

Ӕмӕ йыл ссыгъта хӕрздӕфгӕнӕнтӕ, Хуыцау Моисейӕн куыд бафӕдзӕхста, афтӕ.

Уый фӕстӕ Моисей Цатырмӕ бацӕуӕны ӕрцауыгъта ӕмбӕрзӕн.

Иууылсудзинаг нывондты нывондхӕссӕн сӕвӕрдта Фембӕлды Цатырмӕ бацӕуӕны, ӕмӕ йыл ӕрхаста иууылсудзинаг нывонд ӕмӕ хойраджы нывонд, Дунедарӕг Моисейӕн куыд бафӕдзӕхста, афтӕ.

Хихсӕн ӕрӕвӕрдта Фембӕлды Цатыры ӕмӕ нывондхӕссӕны ӕхсӕн, ӕмӕ дзы ныккодта дон хи цӕхсынӕн.

Ӕмӕиу дзы Моисей, Аарон ӕмӕ йӕ фырттӕ цӕхсадтой сӕ къухтӕ ӕмӕ сӕ къӕхтӕ.

Уыдониу Фембӕлды Цатырмӕ куы бацыдысты ӕмӕиу нывондхӕссӕнмӕ куы баввахс сты, уӕдиу ӕрнадтой сӕхи, Дунедарӕг Моисейӕн куыд бафӕдзӕхста, афтӕ.

Моисей Цатыры ӕмӕ нывондхӕссӕны алыварс сӕвӕрдта кӕрт, ӕмӕ кӕрты дуарыл ӕрцауыгъта ӕмбӕрзӕн. Моисей ууыл ахицӕн кодта, Хуыцау ын цы хъуыддаг бафӕдзӕхста, уый.

Ӕврагъ бамбӕрзта Фембӕлды Цатыр, ӕмӕ Цатыр байдзаг Хуыцауы кады рухсӕй.

Параллельные места

Исход 29:43

Уымиу Ӕз фембӕлдзынӕн израилаг адӕмимӕ, ӕмӕ уыцы бынат ссыгъдӕг уыдзӕн Мӕ кадӕй.

Ӕмӕ Моисейӕн Фембӕлды Цатырмӕ бацӕуын йӕ бон нӕ уыд, уымӕн ӕмӕ ӕврагъ ӕрлӕууыд йӕ сӕрмӕ, ӕмӕ Цатыр байдзаг Хуыцауы кады рухсӕй.

Ӕврагъиу Цатыры сӕрмӕ куы ссыд, уӕдиу израилаг адӕм араст сты сӕ фӕндагыл.

Ӕврагъиу хӕрдмӕ куы нӕ ссыд, уӕд израилӕгтӕ дӕр дарддӕр нӕ цыдысты сӕ фӕндагыл, цалынмӕ ӕврагъ хӕрдмӕ ссыдаид, уӕдмӕ.

Дунедарӕджы ӕврагъ бонӕй лӕууыд Цатыры сӕрмӕ, ӕхсӕвы та уыцы ӕврагъы сыгъди арт – ӕмӕ уый ӕппӕт израилаг адӕм уыдтой, сӕ фӕндагыл куы цыдысты, уӕд.

← Предыдущая

Исход

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Выбор основного перевода