Книга Исход Cтих 32 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Исход Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Ӕрвхуыз, сырх ӕмӕ сӕнтсырх ӕндӕхтӕй бахуыдтой, сауджынтӕ кувӕндоны кӕй хъуамӕ дардтаиккой, ахӕм фӕлыст; сӕрмагонд фӕлыст та бахуыдтой Ааронӕн, Хуыцау Моисейӕн куыд бафӕдзӕхста, афтӕ.

Веселиил бахуыдта ефод сыгъзӕрин хӕрдгӕбыдӕй, ӕрвхуыз, сырх ӕмӕ сӕнтсырх ӕндӕхтӕй ӕмӕ уӕздан виссонӕй уафт хъуымацӕй.

Сыгъзӕринӕй сарӕзтой тӕнӕг сыфтӕ ӕмӕ дзы рауагътой ӕндӕхтӕ, цӕмӕй сӕ сбийой ӕрвхуыз, сырх, сӕнтсырх ӕндӕхтимӕ ӕмӕ виссонимӕ, Хуыцау Моисейӕн куыд бафӕдзӕхста, афтӕ.

Ефодӕн сарӕзтой уӕхскбостӕ, ӕмӕ йын сӕ бабастой йӕ дыууӕ кӕронмӕ.

Ефод цавӕр ӕндӕхтӕй ӕмӕ куыд уафт уыд, афтӕ йын йемӕ ӕмхӕстӕй бауафтой рон дӕр сыгъзӕрин хӕрдгӕбыдӕй, ӕрвхуыз, сырх, сӕнтсырх ӕндӕхтӕй ӕмӕ уӕздан виссонӕй, Хуыцау Моисейӕн куыд бафӕдзӕхста, афтӕ.

Дурыл куыд фӕфыссынц, афтӕ оникс дуртыл ныффыстой Израилы фыртты нӕмттӕ ӕмӕ сӕ бавӕрдтой сыгъзӕрин фӕлгӕтты.

Уый фӕстӕ дурты бафидар кодтой ефоды уӕхскбостӕм – Израилы фыртты ном арынӕн, Хуыцау Моисейӕн куыд бафӕдзӕхста, афтӕ.

Ефод куыд бахуыдтой, афтӕ бахуыдтой риуылдарӕн хызын дӕр сыгъзӕрин хӕрдгӕбыдӕй, ӕрвхуыз, сырх ӕмӕ сӕнтсырх ӕндӕхтӕй ӕмӕ уӕздан виссонӕй нывӕфтыдтимӕ.

Риуылдарӕн хызын уыди цыппӕрдигъон ӕмӕ дывӕлдӕхт; йӕ дӕргъ – уылынг, йӕ уӕрх – уылынг.

Йӕ фӕлгӕтты йын бавӕрдтой дуртӕ цыппар рӕнхъӕй: рубин, топаз ӕмӕ изумруд – фыццаг рӕнхъ;

Карбункул, сапфир ӕмӕ алмаз – дыккаг рӕнхъ;

Гиацинт, агат ӕмӕ аметист – ӕртыккаг рӕнхъ;

Хризолит, оникс ӕмӕ яшма – цыппӕрӕм рӕнхъ. Дурты бавӕрдӕуыди сыгъзӕрин фӕлгӕтты.

Дуртӕ уыдысты Израилы фыртты нымӕцмӕ гӕсгӕ; дурыл куыд фӕфыссынц, афтӕ сыл фыст уыди дыууадӕс номы, фӕйнӕ номы алы дурыл дӕр – дыууадӕс хӕдзарвӕндагӕй иуы ном.

Риуылдарӕн хызынӕн сарӕзтой сыгъдӕг сыгъзӕрин хӕрдгӕбыд бӕттӕнтӕ.

Сарӕзтой дыууӕ сыгъзӕрин фӕлгӕты ӕмӕ дыууӕ сыгъзӕрин цӕджы, ӕмӕ цӕгтӕ бафидар кодтой риуылдарӕн хызыны дыууӕ кӕронмӕ.

Дыууӕ сыгъзӕрин хӕрдгӕбыды риуылдарӕн хызыны дыууӕ кӕроны атъыстой цӕгты.

Бӕттӕнты кӕрӕттӕ та бафидар кодтой дыууӕ фӕлгӕтмӕ, ӕмӕ сӕ ефоды уӕхскбостӕм бабастой разӕрдыгӕй.

Сарӕзтой ма дыууӕ сыгъзӕрин цӕджы, ӕмӕ сӕ мидӕгӕй бафидар кодтой риуылдарӕн хызыны иннӕ дыууӕ кӕронмӕ – ефодырдыгӕй цы фарс ис, уымӕ.

Ноджыдӕр сарӕзтой дыууӕ сыгъзӕрин цӕджы, ӕмӕ сӕ бафидар кодтой ефоды бӕттӕнтӕм бынӕй, ефодӕн разӕрдыгӕй, бӕттӕнтӕ роны сӕрмӕ ефодимӕ кӕм иу кӕнынц, уым.

Уый фӕстӕ риуылдарӕн хызынӕн йӕ цӕгтӕ бабастой ефоды цӕгтӕм ӕрвхуыз бӕттӕнтӕй, риуылдарӕн хызын ефоды роны сӕрмӕ куыд уа ӕмӕ ефодыл ӕнгом куыд бада, Хуыцау Моисейӕн куыд бафӕдзӕхста, афтӕ.

Ӕрвхуыз хъуымацӕй ефодӕн сарӕзтой уӕлгуыр.

Уӕлгуыры ӕфцӕгготӕн йӕ кӕрӕттӕ сарӕзтой згъӕрхӕдоны кӕрӕттау фидар, цӕмӕй ма скъуыйа.

Уый фӕстӕ уӕлгуыры фӕдджийыл тӕнӕг кӕддагӕй, ӕрвхуыз, сырх ӕмӕ сӕнтсырх ӕндӕхтӕй бауафтой гранаты дыргъты хуызӕн къоритӕ.

Сыгъдӕг сыгъзӕринӕй сарӕзтой дзӕнгӕрӕгтӕ ӕмӕ сӕ ӕрцауыгътой къориты ӕхсӕн – уӕлгуыры фӕдджийы кӕрӕттыл.

Кувӕндоны лӕггад кӕныны тыххӕй уӕлгуыры фӕдджийыл кӕрӕйкӕронмӕ кӕрӕдзи ивтой дзӕнгӕрӕг ӕмӕ къори, Хуыцау Моисейӕн куыд бафӕдзӕхста, афтӕ.

Ааронӕн ӕмӕ йӕ фырттӕн бахуыдтой даргъ хӕдӕттӕ виссонӕй,

Сарыхъ виссонӕй, худтӕ виссонӕй, хӕлӕфтӕ виссонӕй,

Рон уӕздан виссонӕй, ӕрвхуыз, сырх ӕмӕ сӕнтсырх ӕндӕхтӕй нывӕфтыдтимӕ, Хуыцау Моисейӕн куыд бафӕдзӕхста, афтӕ.

Уый фӕстӕ сыгъдӕг сыгъзӕринӕй сарӕзтой уаццаг, сыгъдӕг кадыхуд, ӕмӕ йыл ныффыстой: «Ай Хуыцауы у».

Бабастой йыл сарыхъмӕ уӕлейӕ фидаргӕнгӕ ӕрвхуыз бӕттӕн, Дунедарӕг Моисейӕн куыд бафӕдзӕхста, афтӕ.

Ууыл ахицӕн сты Фембӕлды Цатыры ӕппӕт куыстытӕ. Израилаг адӕм алцыдӕр сарӕзтой, Дунедарӕг Моисейӕн куыд бафӕдзӕхста, афтӕ.

Параллельные места

Исход 25:40

Исход 39:42

Исход 39:43

Ма дӕ ферох уӕд: ӕппӕт дӕр сараз, хохыл дын сӕ куыд равдыстон, афтӕ. Израилаг адӕм ӕппӕт уыцы куыстытӕ бакодтой, Дунедарӕг Моисейӕн куыд бафӕдзӕхста, афтӕ. Моисей ӕркаст, цы сарӕзтой, ӕппӕт уыдӕттӕм – ӕппӕт куыстытӕ дӕр бакодтой, Хуыцау куыд бафӕдзӕхста, афтӕ. Ӕмӕ сыл Моисей арфӕ бафтыдта.

Моисеймӕ ӕрбахастой Цатыр йеппӕт мигӕнӕнтимӕ, къӕпсыртимӕ, хъилтимӕ, цӕджындзтимӕ ӕмӕ цӕджындзтӕн бынӕвӕрӕнтимӕ,

Цатыры сӕры мидӕггаг цъар сырх фысдзӕрмттӕй, ӕддаг цъар тӕнӕг сӕрӕктӕй ӕмӕ Иууылсыгъдӕг бынаты дуары ӕмбӕрзӕн,

Фидыды Чырын йӕ хъилтимӕ ӕмӕ йӕ сӕримӕ;

Фынг йеппӕт мигӕнӕнтимӕ, ӕмӕ нывонд дзултӕ,

Рухсгӕнӕн сыгъдӕг сыгъзӕринӕй йеппӕт цырӕгътимӕ, йеппӕт дзаумӕттимӕ ӕмӕ зетиимӕ цырӕгътӕн;

Сыгъзӕрин нывондхӕссӕн ӕмӕ сӕрдӕн зети, хӕрздӕфгӕнӕнтӕ будӕн, ӕмбӕрзӕн Цатыры дуарӕн;

Ӕрхуы нывондхӕссӕн йӕ ӕрхуы хызимӕ, йӕ хъилтимӕ ӕмӕ ӕппӕт мигӕнӕнтимӕ, хихсӕн йӕ бынӕвӕрӕнтимӕ;

Кӕртӕн ӕмбӕрзӕнтӕ, кӕрты цӕджындзтӕ ӕмӕ сӕ бынӕвӕрӕнтӕ, ӕмбӕрзӕн Цатырмӕ бацӕуӕнӕн ӕмӕ бӕттӕнтӕ, михтӕ ӕмӕ, Фембӕлды Цатыры лӕггад кӕнынӕн цы хъуыди, ӕппӕт уыцы мигӕнӕнтӕ;

Иударон фӕлыст кувӕндоны лӕггад кӕнынӕн, сӕрмагонд дарӕс Аароны сауджынӕн, ӕмӕ йӕ фырттӕн дарӕс Цатыры лӕггад кӕнынӕн.

Израилаг адӕм ӕппӕт уыцы куыстытӕ бакодтой, Дунедарӕг Моисейӕн куыд бафӕдзӕхста, афтӕ.

Моисей ӕркаст, цы сарӕзтой, ӕппӕт уыдӕттӕм – ӕппӕт куыстытӕ дӕр бакодтой, Хуыцау куыд бафӕдзӕхста, афтӕ. Ӕмӕ сыл Моисей арфӕ бафтыдта.

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Выбор основного перевода