Адӕмӕн ӕрхахх кӕн хохы алыварс ӕмӕ сын зӕгъ: „Уӕхи бахизут хохмӕ схизынӕй ӕмӕ йын суанг йӕ рӕбыныл дӕр андзӕвынӕй. Чидӕриддӕр хохыл андзӕва, уый хъуамӕ амардӕуа“.
Ӕрмӕст ӕм къухӕй мачи бавналӕд, фӕлӕ йӕ амарӕнт дуртӕй кӕнӕ фатӕй; фос уа ӕви адӕймаг – удӕгасӕй ныууадзӕн ын нӕй. Адӕмӕн хохмӕ схизыны бар уыдзӕни, сыкъауадындзы уаст куы айхъуыса, уӕд».
Хуыцау загъта Моисейӕн: «Ныххиз ӕмӕ адӕмӕн бафӕдзӕхс, цӕмӕй Дунедарӕджы феныны охыл ма фӕлтӕрой хохы сӕрты ӕрбахизыныл, науӕд дзы бирӕтӕ амӕлдзысты.