Книга Бытие Cтих 8 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Иосиф йӕ хӕдзары уынаффӕгӕнӕгӕн бафӕдзӕхста: «Ацы адӕмӕн сӕ бон цас ахӕссын бауыдзӕн, уый бӕрц сын сӕ голджытӕ байдзаг кӕн хорӕй. Ӕмӕ сӕ алкӕмӕн дӕр йе 'взист нывӕр йӕ голладжы комы.

Кӕстӕр ӕфсымӕр хорӕн цы бафыста, йӕ уыцы ӕвзистимӕ йын йӕ голладжы комы нывӕр ме 'взист кӕхц». Уынаффӕгӕнӕг бакодта, Иосиф ын куыд бафӕдзӕхста, афтӕ.

Куыддӕр ӕрбабон, афтӕ ӕфсымӕрты ауагътой сӕ хӕрджытимӕ.

Сахарӕй дард нӕма ацыдысты, афтӕ Иосиф йӕ уынаффӕгӕнӕгӕн загъта: «Ӕвӕстиатӕй фӕсте асур уыцы адӕмы. Куы сӕ баййафай, уӕд сын зӕгъ: „Нӕ хорзӕн нын ӕвзӕрӕй цӕмӕн бафыстат?

Цӕмӕн ахастат, мӕ хицау кӕмӕй нуазы ӕмӕ дӕсны кӕуыл фӕрсы, уыцы кӕхц? Ӕвзӕр ми бакодтат“».

Уынаффӕгӕнӕг сӕ баййӕфта ӕмӕ сын загъта уыцы ныхӕстӕ.

Уыдон дзуапп радтой: «Не 'лдар цӕмӕн афтӕ зӕгъы? Нӕ, дӕ цагъартӕ дард сты ахӕм хъуыддагӕй.

Нӕ голджыты комы цы ӕвзист ссардтам, уый дын мах суанг Ханааны зӕххӕй фӕстӕмӕ куы ӕрхастам. Уӕд мах нӕ хицауы хӕдзарӕй куыд хъуамӕ адавӕм ӕвзист кӕнӕ сыгъзӕрин?

Параллельные места

Бытие 43:21

Фӕлӕ не 'хсӕвиуаты бынатмӕ куы бахӕццӕ стӕм ӕмӕ нӕ голджытӕ куы райхӕлдтам, уӕд нӕ алчидӕр йӕ голладжы комы ссардта йе 'взист ӕнӕхъӕнӕй. Ныр уыцы ӕвзист ӕрхастам фӕстӕмӕ.

Уыцы кӕхц дӕ цагъартӕй кӕмӕ разына, уый амӕлӕд; мах та цагъартӕ уыдзыстӕм нӕ хицауӕн».

Уый сын загъта: «Хорз, сымах куыд загътат, афтӕ уӕд: кӕхц кӕмӕ разына, уый мын суыдзӕн цагъар, иннӕтӕ азымджын нӕ уыдзысты».

Ӕфсымӕртӕ сӕ голджытӕ уайтӕккӕ ӕристой зӕхмӕ, алчидӕр сӕ райхӕлдта йӕ голлаг.

Баджигул сӕм кодта хистӕрӕй кӕстӕрмӕ. Кӕхц разынди Вениамины голладжы.

Ӕфсымӕртӕ ӕррӕдывтой сӕ дарӕс, стӕй сӕ алчидӕр уаргъ сӕвӕрдта йӕ хӕрӕгыл ӕмӕ раздӕхтысты сахармӕ.

Иосиф ма хӕдзары уыди; Иуда йӕм бацыд йӕ ӕфсымӕртимӕ ӕмӕ зӕххыл ныддӕлгом сты йӕ разы.

Иосиф сын загъта: «Уый цы бакуыстат? Мӕн хуызӕн адӕймагӕн дӕсны фӕрсыны руаджы кӕй раргом уыдзӕн, уый нӕ зыдтат, мыййаг?»

Иуда дзуапп радта: «Цы зӕгъын нӕ бон у мӕ хицауӕн? Цы йын зӕгъӕм? Нӕхи цӕмӕй сраст кӕнӕм? Хуыцау равдыста дӕ цагъарты азым. Ныр мах нӕ хицауы цагъартӕ стӕм – мах дӕр, стӕй кӕхц кӕмӕ разынд, уый дӕр».

Фӕлӕ Иосиф загъта: «Нӕ, ӕз дард дӕн ахӕм хъуыддагӕй. Кӕхц кӕмӕ разынд, уый уыдзӕни мӕ цагъар, сымах та фарнимӕ аздӕхут уӕ фыдмӕ».

Уӕд ӕм бацыд Иуда ӕмӕ йын загъта: «Ме 'лдар, дӕ цагъарӕн ратт дӕуӕн ныхас зӕгъыны бар; ӕмӕ ма смӕсты у дӕ цагъармӕ – ды фараоны ӕмсӕр дӕ, афтӕмӕй дӕм мӕ ныфс бахастон.

Ме 'лдар фарста йӕ цагъарты: „Фыд кӕнӕ уын ӕфсымӕр ис?“

Мах дзуапп радтам не 'лдарӕн: „Ис нын зӕронд фыд ӕмӕ кӕстӕр ӕфсымӕр – нӕ фыдӕн ӕрӕджиауы фырт; йе 'фсымӕр амард ӕмӕ мадызӕнӕгӕй ӕрмӕст уый баззад; ӕмӕ йӕ нӕ фыд бирӕ уарзы“.

Ды дӕ цагъартӕн загътай: „Ӕркӕнут мӕм уе 'фсымӕры, ӕмӕ йӕ фенон“.

Мах ме 'лдарӕн дзуапп радтам: „Лӕппуйӕн йӕ фыды ныууадзын йӕ бон нӕу; куы йӕ ныууадза, уӕд йӕ фыд зӕрдӕскъуыд фӕуыдзӕн“.

Фӕлӕ ды дӕ цагъартӕн загътай: „Уӕ кӕстӕр ӕфсымӕр уемӕ куы нӕ ӕрцӕуа, уӕд мын уӕхи ма равдисут“.

Мах дӕ цагъармӕ, нӕ фыдмӕ, куы ӕрбацыдыстӕм, уӕд ын радзырдтам, ме 'лдар нын цы загъта, уый.

Нӕ фыд нын загъта: „Ногӕй та ацӕут ӕмӕ нын иуцасдӕр хойраг балхӕнут“.

Мах ын дзуапп радтам: „Цӕуӕн нын нӕй – нӕ кӕстӕр ӕфсымӕр немӕ куы уа, ӕрмӕст уӕд ацӕудзыстӕм. Уымӕн ӕмӕ нӕ кӕстӕр ӕфсымӕр немӕ куы нӕ уа, уӕд уыцы лӕджы раз ӕрлӕууын нӕ бон нӕу“.

Ӕмӕ нын дӕ цагъар, нӕ фыд, загъта: „Сымах зонут, мӕ ус мын дыууӕ фырты кӕй ныййардта, уый.

Иу дзы ацыди мӕнӕй ӕмӕ ӕз загътон: ‘Бӕлвырд ӕй сырд бахордта’. Ӕмӕ йӕ уӕдӕй фӕстӕмӕ нал федтон.

Ай дӕр ма мын куы акӕнат ӕмӕ йыл исты куы ӕрцӕуа, уӕд мӕ зӕрондӕй утӕхсӕнгӕнгӕ ингӕнмӕ арвитдзыстут“.

Ныр дӕ цагъармӕ, нӕ фыдмӕ, куы ӕрыздӕхон, ӕмӕ йӕ удыйас кӕй уарзы, уыцы лӕппу немӕ куы нӕ уа,

Ӕмӕ лӕппу немӕ кӕй нӕй, уый нӕ фыд куы фена, уӕд амӕлдзӕн. Афтӕмӕй дӕ цагъартӕ нӕ зӕронд фыды, дӕ цагъары утӕхсӕнгӕнгӕ арвитдзысты ингӕнмӕ.

Лӕппу ме 'вджид кӕй уыдзӕн, ӕмӕ йыл кӕй ницы ӕрцӕудзӕн, уый тыххӕй ӕз, дӕ цагъар, мӕ фыдӕн дзырд радтон: „Куы нӕ дӕм ӕй ӕркӕнон, мӕ фыд, уӕд дӕ разы азымджын уыдзынӕн, цалынмӕ цӕрон, уӕдмӕ“.

Ӕмӕ дын ныр ӕз, дӕ цагъар, лӕгъстӕ кӕнын, цӕмӕй лӕппуйы бӕсты ме 'лдарӕн цагъарӕй баззайон ӕз; лӕппуйы та ауадз йе 'фсымӕртимӕ.

Лӕппу мемӕ куы нӕ уа, уӕд афтӕмӕй куыд аздӕхон мӕ фыдмӕ? Мӕн нӕ фӕнды мӕ фыды стыр хъыг фенын».

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода