Книга Бытие Cтих 21 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Бытие

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Исаак куы базӕронд, цӕстӕй куы нал уыдта, уӕд иухатт басидт йӕ хистӕр фырт Исавмӕ ӕмӕ йын загъта: «Мӕ хъӕбул!» Исав ын дзуапп радта: «Мӕнӕ дӕн».

Исаак загъта: «Ӕз базӕронд дӕн; кӕд ӕрбамӕлдзынӕн, уый нӕ зонын;

Ныртӕккӕ райс дӕ хӕцӕнгӕрзтӕ, дӕ фатдон ӕмӕ де 'рдын; ацу быдырмӕ ӕмӕ мын самал кӕн хъӕддаг сырд.

Сфыц мын мӕ уарзон хӕринаг, ӕрбахӕсс мын дзы бахӕрынмӕ, ӕмӕ цалынмӕ нӕ амардтӕн, уӕдмӕ дыл мӕ арфӕ бафтауон».

Исаак йӕ фырт Исавӕн цы дзырдта, уымӕ хъуыста Ревеккӕ. Ӕмӕ Исав хъӕддаг сырдыл цуанмӕ ӕмӕ йе 'рхӕссынмӕ быдырмӕ куы ацыд,

Уӕд Ревеккӕ йӕ лӕппу Иаковӕн загъта: «Ӕз ныртӕккӕ фехъуыстон, дӕ фыд де 'фсымӕр Исавӕн цы дзырдта, уый:

„Ӕрбахӕсс хъӕддаг сырды фыд ӕмӕ мын сфыц хӕрзад хӕринаг; ӕз бахӕрдзынӕн, ӕмӕ дыл мӕ мӕлӕты размӕ мӕ арфӕ бафтаудзынӕн Хуыцауы раз“.

Ныр байхъус, мӕ лӕппу, ӕмӕ дын цы зӕгъон, уый сараз.

Цӕугӕ дзугмӕ, ӕрбахӕсс мын дыууӕ хорз сӕныччы, ӕмӕ ӕз дӕ фыдӕн сфыцон йӕ уарзон хӕринаг.

Ды йӕ бахӕсдзынӕ дӕ фыдӕн, цӕмӕй бахӕра ӕмӕ дыл йӕ мӕлӕты размӕ бафтауа йӕ арфӕ».

Иаков йӕ мад Ревеккӕйӕн загъта: «Ме 'фсымӕр Исав хъуынджын адӕймаг у, мӕ буар та лӕгъз у.

Мӕ фыд мӕ, мыййаг, уырзӕй куы басгара, уӕд йӕ цӕсты уыдзынӕн сайӕгой, ӕмӕ арфӕйы бӕсты мӕхи фӕкӕндзынӕн ӕлгъысты хай».

Йӕ мад ын загъта: «Йе 'лгъыст дӕ бӕсты мӕныл ӕрцӕуӕд, мӕ лӕппу; ӕрмӕст мӕм байхъус: ацу ӕмӕ мын сӕ ӕрбахӕсс».

Иаков ацыд, ӕрцахста дыууӕ сӕныччы ӕмӕ сӕ ӕрбахаста йӕ мадмӕ. Ӕмӕ йӕ мад сфыхта, Иаковы фыд кӕй уарзта, ахӕм хӕрзад хӕринаг.

Уый фӕстӕ Ревеккӕ йӕ хӕдзарӕй рахаста, йӕ хистӕр лӕппу Исавӕн уым цы хуыздӕр дарӕс уыдис, уый, ӕмӕ йӕ скодта йӕ кӕстӕр лӕппу Иаковыл.

Иаковы цӕнгтыл ӕмӕ лӕгъз бӕрзӕйыл та стыхта сӕныччы царм.

Цы хӕрзад хӕринаг сфыхта, уый дзулимӕ радта йӕ лӕппу Иаковмӕ.

Иаков бацыд йӕ фыдмӕ ӕмӕ загъта: «Мӕ фыд!» Уый дзуапп радта: «Хъусын дӕм! Ды мӕ кӕцы фырт дӕ?»

Иаков йӕ фыдӕн загъта: «Исав дӕн, дӕ хистӕр фырт. Ӕз сарӕзтон, ды цы загътай, уый. Рабадма ӕмӕ бахӕр, дӕ фырт кӕй самал кодта, уыцы хъӕддаг сырды фыдӕй, ӕмӕ мыл дӕ арфӕ бафтау».

Исаак йӕ фырты бафарста: «Куыд тагъд ӕй ссардтай, мӕ фырт?» Иаков дзуапп радта: «Мӕ размӕ мын ӕй Дунедарӕг, дӕ Хуыцау, рарвыста».

Исаак загъта Иаковӕн: «Хӕстӕг мӕм ӕрбацу, мӕ фырт, ӕз дӕ басгарон, ды ӕцӕг мӕ фырт Исав дӕ ӕви нӕ».

Параллельные места

Бытие 27:12

Иаков бацыд йӕ фыд Исаакмӕ; Исаак ӕй уырзтӕй ӕрысгӕрста ӕмӕ загъта: «Хъӕлӕс Иаковы хъӕлӕс у; къухтӕ та Исавы къухтӕ сты».

Исаак ӕй нӕ базыдта, уымӕн ӕмӕ Иаковы къухтӕ йе 'фсымӕр Исавы къухтау хъуынджын уыдысты; ӕмӕ йыл Исаак йӕ арфӕ бафтыдта.

Исаак бафарста: «Ды ӕцӕг мӕ фырт Исав дӕ?» Иаков дзуапп радта: «Ӕз дӕн».

Исаак загъта: «Ӕрима, мӕ фырт, ӕз бахӕрон, ды кӕй самал кодтай, уыцы сырды фыдӕй, ӕмӕ дыл мӕ арфӕ бафтауон». Иаков ын ӕрӕвӕрдта хӕринаг, ӕмӕ Исаак бахордта; стӕй йын ӕрбахаста сӕн, ӕмӕ уымӕй дӕр банызта.

Уый фӕстӕ Иаковӕн йӕ фыд Исаак загъта: «Хӕстӕг мӕм ӕрбацу, мӕ фырт, ӕмӕ мын аба кӕн».

Иаков ӕм бацыд ӕмӕ йын аба кодта. Исаак ын банкъардта йӕ дарӕсы тӕф, стӕй йыл бафтыдта йӕ арфӕ: «Мӕ фыртӕй цӕуы, Хуыцау йӕ арфӕ цы быдырыл бафтыдта, уый хӕрздӕф.

Хуыцау дын раттӕд уӕларвон ӕртӕхӕй ӕмӕ зӕххы сойӕ, бирӕ хор ӕмӕ сӕн.

Дӕуӕн кусӕнт адӕмтӕ, адӕмыхӕттытӕ уӕнт дӕ дӕлбар; де 'фсымӕртӕн у ӕлдар, дӕ мады лӕппутӕ дын ныллӕг акувӕнт; дӕу ӕлгъитӕг уӕд ӕлгъыст, дӕуӕн арфӕгӕнӕг – арфӕгонд!»

Исаак Иаковыл куыддӕр йӕ арфӕ бафтыдта ӕмӕ Иаков йӕ фыд Исаакӕй рацыд, афтӕ йе 'фсымӕр Исав ӕрбаздӕхти цуанӕй.

Исав дӕр сфыхта хӕрзад хӕринаг, йӕ фыдӕн ӕй бахаста ӕмӕ йын загъта: «Рабад, мӕ фыд, ӕмӕ бахӕр, дӕ фырт кӕй самал кодта, уыцы хъӕддаг сырды фыдӕй, ӕмӕ мыл дӕ арфӕ бафтау».

Йӕ фыд Исаак ӕй бафарста: «Ды чи дӕ?» Исав ын дзуапп радта: «Ӕз дӕ фырт дӕн, дӕ хистӕр фырт Исав».

Исаак фыртыхстӕй ныррызт ӕмӕ загъта: «Уӕдӕ хъӕддаг сырды фыд чи самал кодта ӕмӕ мын дзы чи 'рбахаста? Ӕз ын бахордтон йеппӕт хӕринагӕй де 'рбацыды хӕдразмӕ, мӕ арфӕ йыл бафтыдтон, арфӕгонд уый уыдзӕн».

Исав йӕ фыды ныхӕстӕ куы фехъуыста, уӕд фырмӕстӕй хъӕлӕсыдзаг ныхъхъӕр ласта, ӕмӕ йӕ фыдӕн загъта: «Мӕ фыд, бафтау мӕныл дӕр дӕ арфӕ!»

Фӕлӕ Исаак загъта: «Уый мӕм де 'фсымӕр ӕрбацыд, асайдта мӕ, ӕмӕ дын дӕ арфӕ байста».

Исав загъта: «Уӕдӕ йӕ ном Иаков дзӕгъӕлы у? Дыууӕ хатты мыл рацыди хинӕй: байста мын, хистӕр фырт кӕй дӕн, мӕ уыцы бартӕ; ныр та мын мӕ арфӕ байста». Исав бафарста: «Ау, мӕнӕн дӕм арфӕ нал баззад?»

Исаак ын дзуапп радта: «Ӕз ӕй дӕуӕн сӕвӕрдтон ӕлдарӕй, ӕмӕ йын йеппӕт ӕфсымӕрты радтон цагъартӕй; ӕфсӕст уыдзӕни хорӕй ӕмӕ сӕнӕй. Дӕуӕн ма та цы саразон, мӕ фырт?»

Исав загъта йӕ фыдӕн: «Ау, мӕ фыд, дӕумӕ ӕрмӕст иунӕг арфӕ ис? Дӕ арфӕ бафтау мӕныл дӕр, мӕ фыд!» Исав хъӕлӕсыдзаг скуыдта.

Йӕ фыд Исаак ын дзуапп радта: «Дӕрддзӕф цӕрдзынӕ бӕркадджын зӕххӕй ӕмӕ уӕларвон ӕртӕхӕй.

Дӕ цард араздзынӕ дӕ цирхъӕй, де 'фсымӕрӕн уыдзынӕ дӕлбар. Фӕлӕ иуафон сыстдзынӕ, ӕмӕ йын йе 'фсондз раппардзынӕ дӕ бӕрзӕйӕ».

Исав йе сӕфт федта Иаковӕй, йӕ фыд ыл арфӕ кӕй бафтыдта, уый тыххӕй. Исав йӕхицӕн загъта: «Бирӕ нал хъӕуы мӕ фыдыл кӕуыны бонтӕм. Уӕд амардзынӕн ме 'фсымӕр Иаковы».

Ревеккӕйӕн рафӕзмыдтой йӕ хистӕр лӕппу Исавы ныхӕстӕ. Уӕд Ревеккӕ арвыста, басидт йӕ кӕстӕр лӕппу Иаковмӕ, ӕмӕ йын загъта: «Де 'фсымӕр Исав дӕм ӕртхъирӕн кӕны амарынӕй.

Ныр, мӕ лӕппу, байхъус мӕ ныхасмӕ: ӕвӕстиатӕй фӕлидз Харранмӕ, ме 'фсымӕр Лаванмӕ.

Ӕмӕ цалынмӕ де 'фсымӕрӕн йӕ маст ӕрцӕуа, уӕдмӕ йӕм ацӕр.

Де 'фсымӕрӕн йӕ маст куы ӕрцӕуа, ды йын цы бакуыстай, уый дзы куы ферох уа, уӕд дӕм арвитдзынӕн, ӕмӕ дӕ ӕркӕндзынӕн уырдыгӕй. Науӕд иу бонмӕ уӕ дыууӕйӕ дӕр цӕмӕн хъуамӕ бавдӕлон уон?»

Уый фӕстӕ Ревеккӕ загъта Исаакӕн: «Хетты чызджыты тыххӕй мын мӕ цард ӕнад у. Иаков дӕр бынӕттонтӕй, хеттаг чызджытӕй, мӕнӕ уыдоны хуызӕн куы ракура, уӕд ма мӕ цард цы у?»

← Предыдущая

Бытие

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода