Книга Бытие Cтих 8 | Параллельные места

Хуыцау фӕсырдта адӕймаджы, ӕмӕ царды бӕласмӕ фӕндаг хъахъӕныны тыххӕй Едемы дыргъдонмӕ бацӕуӕны, скӕсӕны, сӕвӕрдта херувимты ӕмӕ алырдӕм дӕр цӕваг пиллонкалгӕ цирхъ. Каин ацыди Хуыцауы цурӕй, ӕмӕ ӕрцарди Ноды зӕххыл, Едемӕй скӕсӕнырдыгӕй. Лот йӕ цӕст ахаста ӕмӕ федта Иорданы ӕппӕт дӕлвӕз суанг Сигормӕ. Хуыцау цалынмӕ Содом ӕмӕ Гоморрӕйы нӕ фесӕфта, уӕдмӕ ацы дӕлвӕз ӕфсӕст уыди донӕй Хуыцауы дыргъдонау ӕмӕ Мысыры зӕххау.

Уый фӕстӕ Дунедарӕг Хуыцау зӕххӕй сзайын кодта алыхуызон бӕлӕстӕ рӕсугъд ӕмӕ хӕрынӕн бӕзгӕ дыргътимӕ, уыимӕ царддӕттӕг бӕлас дыргъдоны хӕдастӕу, стӕй, хорз ӕмӕ ӕвзӕр цы у, уый зоныны бӕлас.

Едемӕй цыди цӕугӕдон, дыргъдон донӕй ӕфсадынӕн; стӕй фӕкъабӕзтӕ ӕмӕ дзы рауади цыппар цӕугӕдоны.

Фыццаг цӕугӕдонӕн йӕ ном у Фисон; зилы, сыгъзӕрин кӕм ис, Хавилы ӕппӕт уыцы зӕххыл; (

Уыцы зӕххы сыгъзӕрин у хорз; уым ис бӕласы хӕрздӕф писи ӕмӕ зынаргъ дур – оникс).

Дыккаг цӕугӕдонӕн йӕ ном у Гихон; зилы Кушы ӕппӕт зӕххыл.

Ӕртыккаг цӕугӕдонӕн йӕ ном у Хиддекел; цӕуы Ассуры рӕзты. Цыппӕрӕм цӕугӕдон у Ефрат.

Дунедарӕг Хуыцау адӕймаджы ӕрцӕрын кодта Едемы дыргъдоны, куыд ӕй куса ӕмӕ йӕм куыд зила, афтӕ.

Дунедарӕг Хуыцау бафӕдзӕхста адӕймагӕн: «Дӕ бон у дыргъдоны алы бӕласы дыргъӕй дӕр хӕрын;

Фӕлӕ хорз ӕмӕ ӕвзӕр циу, уый зоныны бӕласӕй дын хӕрыны бар нӕй. Цы бон дзы фӕхъӕстӕ уай, уыцы бон ссардзынӕ дӕ мӕлӕт».

Дунедарӕг Хуыцау загъта: «Адӕймагӕн иунӕгӕй цӕрын хорз нӕу. Сфӕлдисон ын ӕмбӕлгӕ ӕххуысгӕнӕг».

Ӕмӕ Дунедарӕг Хуыцау зӕххӕй сфӕлдыста ӕппӕт быдираг цӕрӕгойтӕ ӕмӕ ӕппӕт уӕларвон мӕргътӕ, ӕмӕ сӕ ӕрбакодта адӕймагмӕ, цы нӕмттӕ сын ратдзӕн, уый фенынмӕ, цӕмӕй алы цӕрӕгойӕн дӕр йӕ ном уа, адӕймаг ӕй куыд схона, афтӕ.

Ӕмӕ адӕймаг радта нӕмттӕ ӕппӕт хӕдзарон цӕрӕгойтӕн, уӕларвон мӕргътӕн ӕмӕ ӕппӕт хъӕддаг сырдтӕн. Фӕлӕ дзы Адамӕн ӕмбӕлгӕ ӕххуысгӕнӕг нӕ разынд.