Къылыкъсызланы яманлыгъы битип къалсын дагъы, муъминни буса беклешдирип къой дагъы, неге тюгюл де Сен юреклени де, гьакъылланы да сынап къарайсандыр, адилли Аллагьым.
Бираз токътап турсанг, ёкъ болуп къалар къылыкъсыз. Къылыкъсыз бар ерге багъып къарасанг, болмагъандай болуп да къалар ол.
Жинаятчылар буса дагъылып къалар бары да, къылыкъсызланы гележеги де къырылып къалар.
Къазапланып йиберип, дагъытып къой оланы, дагъы болмасдай дагъытып къой оланы. Шо заман дюньяны бир къырыйларына ерли Аллагь Исрайылда гьакимлик этегенин англап турарлар.
Макътав этип тур чу, жаным, Раббиме! Раббим! Аллагьым! Гьайран кюйде зорсандыр Сен; макътавлукъ, зорлукъ булан ясандырылгъансандыр Сен.
Гьали энни Раббибизни буйрукъларын кютсюн дагъы, Ону къанунларын сакъласын дагъы олар. Макътав эт чи Раббибизге!