Книга Псалтирь Cтих 18 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Псалтирь Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Псалтирь

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150

Макътав этип тур чу, жаным, Раббиме! Раббим! Аллагьым! Гьайран кюйде зорсандыр Сен; макътавлукъ, зорлукъ булан ясандырылгъансандыр Сен.

Нюрню аба йимик гийип къоясан уьстюнге, кёклени де чатыр йимик яйып къоясан Сен.

Дерияланы уьстюнде тургъузуп къоясан кёкдеги къалаларынгны, атарбанг этип къоясан булутланы, елни къанатларына минип де айланып турасан Сен.

Еллени Оьзюнгню чавушларынг, янып турагъан отланы да къуллукъчуларынг этип къоясан Сен.

Къатты кюрчюлерде орнатдынг ер юзюн Сен: бир заманда да гьеч тербенмес дагъы шо.

Терен сувланы гийимдей этип ябып къойдунг ер юзюн Сен, тавларда да сувлар токътап тура.

Сени зор гючлю тавушунгдан, къачып таялар шолар, кёк кёкюрев тавушунгдан тез гетип токътайлар.

Тавлагъа гётерилелер, къоллагъа, оьзлеге Сен токъташдыргъан ерге тюшелер сувлар.

Оьзюнден чыкъмас дазуну салып бердинг Сен, гьеч къайтмас дагъы ер юзюн япмакъ учун шолар.

Сенсендир къоллагъа сувланы бакъдыргъан, тав аралардан агъып туралар шолар да.

Авлакъдагъы бары къыр жанлар ичип тоюп туралар, къыр эшеклер де сувсабын басылтып туралар.

Шо сувлар бар ердедир кёклердеги къушланы турагъаны, бутакъ аралардандыр авазлар чыгъарагъаны да оланы.

Сенсендир кёкден таба тавланы сувдан тойдурагъан, топуракъны да тоюндуруп, тюшюмлю этеген.

Сенсендир гьайванлар учун отну оьсдюреген. Сенсендир топуракъдан рызкъы болдурмакъ учун ону пайдасына оьсюмлюклени оьсдюреген де.

Сенсендир инсанны юрегин шат этмек учун чагъырны болдуртагъан. Сенсендир инсанны бети нюрлю болсун деп зайтун майны болдуртагъан. Сенсендир инсанны юрегин беклешдиреген ашны болдуртагъан да.

Тоюнуп туралар Раббибизни тереклери, Ол орнатгъан ливан къарагъайлар да.

Шолагъадыр къушланы къонагъаны. Наратлардыр лакълакъкъушгъа турма ер.

Бийик тавлардыр къыр эчкилени турагъан ери, таш къаялардыр даманланы яшынып гиреген ери.

Параллельные места

Притчи 30:26

тав чычкъанлар осал халкъдыр, амма уяларын яр башларда салар;

Олдур заманланы гёрсетмек учун айны яратгъан, гюнеш де биледир оьзюню артагъан заманын.

Сенсендир къарангылыкъны болдурагъан – гече болуп къаладыр. Шо вакътидедир агъачлыкъдагъы бары къыр жанланы чыгъып айланагъаны.

Аш излей туруп, къычырып айланар арсланлар, Аллагь йибереген рызкъыны излер оьзлеге олар.

Гюн чыкъгъандокъ, жыйылып йиберип, ятып къалар уяларында олар.

Ишлерине чыгъар инсан, загьмат тёгюп турар ахшам болгъунча ол.

Огь, нече де кёпдюр дагъы Сени ишлеринг, Раббим! Гьакъыллы кюйде этгенсен бары затны Сен. Ер юзю толгъан Сен яратгъан затлардан.

Денгиздир шо – зор ва эркин, санаву да белгисиз жан-жанывардан, уллу ва увакъ балыкълардан толгъан шо.

Гемелер юзе шонда, оьзюнде ойнамакъ учун яратгъан денгиз аждагьа да бар шонда.

Оьзлеге заманында Сен рызкъысын берсин деп, бары да Сени къаравуллап токътагъанлар.

Берсенг – къабул этелер олар, къолларынгны ачсанг – тоюп къалалар ниъматларынгдан Сени.

Юзюнгню яшырсанг – талчыкъгъа тюшюп къалалар, тынышын чыгъарып алсанг – оьлюп, къайтып чанггъа айланып къалалар.

Ругьунгну берсенг – яратылып къалалар, ер юзюн янгыртып къоясан Сен де.

Гьар даим де макътавлар болсун дагъы Раббибизге! Къуванып къалсын дагъы Оьзюню ишлеринден Раббибиз!

Бир къарап къойса ер юзюне багъып – къартыллап йибере шо, тавлагъа тийип йиберсе де – тютюн чыгъып гете шолардан.

Бютюн оьмюрюм йырлап турарман Раббиме, сав чакъы Аллагьны атын тутуп йыр да айтарман.

Рази этсин дагъы йырым Ону. Шатланып турарман Раббимден мен.

Ёкъ болуп къалсынлар дагъы ер юзюнден гюнагьлылар, къылыкъсызлар да болмай къалсынлар дагъы бир де. Макътав эт дагъы, жаным, Раббиме! Макътав эт чи Раббиме!

← Предыдущая

Псалтирь

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150

Выбор основного перевода