Сион тавларына тюшеген Гьермондагъы чыкъ йимикдир. Неге тюгюл де, шондадыр гьар даим де бар болгъан Раббибиз насиплиликни – гьар даимги яшавну ваъда этгени.
Пачаны къазапланыву Азрайыл малайик йимикдир, амма гьакъыллы адам ону рагьмуландырып болар.
Пача иржайып къарагъан адамны яшаву яхшы болар, ону рагьмусу да язбашгъы янгур йимикдир.
Пачаны къазапланыву арсланны къычырыгъы йимикдир, ону ачувландыргъан оьзюне балагь гелтирер.
Гьакимлер – сагъа яхшылыкъгъа айланагъан Аллагьны къуллукъчулары. Амма яманлыкъ этмеге айлана бусанг, къоркъмагъа герексен! Олар къылычларын негьакъ такъмас. Олар Аллагьны къуллукъчулары ва яманлыкъ этегенлени такъсырлар.