Етимлени атасыдыр, тул къатынланы якълавчусудур Оьзюню сыйлы еринде турагъан Аллагь.
Янгызланы уьйге гийирер Аллагь, туснакъланы эркинликге чыгъарар Ол. Енгилмейгенлер буса къургъакъ топуракъда къалып къалар.
Амма яман адамлар ерин тас этер, олар шо еринден къуваланар.
Намуссузлар йыгъылса, болмагъандай болуп къалар, гьалал адамланы уьйлери буса эсен-аман къалар.
Тезден токъташдырылгъан дазуланы бузма, етимлени авлакъларына да сугъулма.
Сиз, гиччилер, уллулагъа таби болугъуз. Бир-биригизге саламат янашыгъыз. Неге тюгюл де, Сыйлы Язывларда язылгъаны йимик, Аллагь оьктемлеге къаршы турар, саламат болгъанлагъа буса рагьмусун гёрсетер.