Книга Притчи Cтих 16 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Притчи Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Притчи

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Йылы сёз йыланны кебин де чечер, аччы сёз къазапланыв тувдурар.

Гьакъыллыланы авзундан янгыз билим чыгъар, агьмакъланы авзу буса авлиялыкъны къусар.

Раббибиз бары да затны гёрюп турар, О яхшыланы да, яманланы да гёрюп турар.

Яхшы сёзлер яшавну булагъы йимикдир, ялгъан сёзлер буса инсанны ругьдан тюшюрер.

Агьмакъ атасыны насигьатларына тынгламас, амма гьакъыллы адам уьйретивлеге тергевлю болар.

Гьалал адамны уью мал-матагьдан толуп болар, намуссузну къазанчы да балагь гелтирер.

Гьакъыллыланы авзундан билим чыгъар, авлияланы гьакъында буса шолай айтып болмассан.

Раббибиз намуссузланы садагъаларындан да жиргенер, гьалал адамланы буса О дуаларын кёп сююп къабул этер.

Раббибиз намуссузну тутгъан ёлундан жиргенер, герти ёлну тутгъанланы буса О сюер.

Тийишсиз кюйде яшамагъа башлагъан адам такъсырланып къалар, насигьатланы гёрюп ярамайгъан адам болмагъандай болуп къалар.

Раббибизге бары да зат белгилидир, гьатта ахыратдагъы зат да; шо саялы да инсанланы юреклери де, ойлары да Огъар белгисиз тюгюлдюр.

Пасат юрюйген адам оьзюню юзюн ачып берегенлени сюймес; олай адам гьакъыллыланы насигьатларына да тынглама сюймес.

Шат юрек адамны юзюн де ачыкъ этер, юрекде дерт бар буса, адамны ругьдан тюшюрер.

Англавлуну юреги билим излер, агьмакълар буса янгыз авлиялыкъны ахтарар.

Касипни гьар гюню де къайгъылыдыр, насиплиники буса арты битмейген байрамдыр.

Байлыкъ да жыйып, къоркъа-пыса туруп яшагъанча, Раббибизден де къоркъуп, аз затлар булан тамамланып къалса яхшыдыр.

Параллельные места

Псалтирь 36:16

Притчи 16:8

Кёп къылыкъсызланы байлыгъындан да яхшыдыр муъминни аз заты да. Гьарам мал болмай, аз буса да гьалал мал болса яхшыдыр.

Оьчлюкден толгъан этли шорпадан сюювден толгъан этсиз шорпа къолайдыр.

Къарсалайгъан адам питне салар, сабур адам буса оьчлюкге ахыр салар.

Эринчекни ёлуна тегенек битер, гьалал адамлар буса шагьра ёл булан юрюр.

Гьакъыллы авлет атасын сююндюрер, авлиясы буса анасын гери урар.

Томакъ авлиялыгъындан сююнер, англавлу адам буса тюз ёл булан юрюр.

Таклиф берегенлер болмаса, адамны къолундан тюзевлю иш чыкъмас, кёп таклиф берегенлер болса, ону иши тюзелер.

Жавабын къайтарып болмакъ къуванчдыр, оьз еринде къоллангъан сёз де тизивдюр.

Гьакъыллыны тутгъан ёлу алгъа багъып алып да юрюр, ахыратдан къоруп да сакълар.

Раббибиз хохабазланы уьюн дагъытар, тул къалгъан къатынны дазуларын буса беклешдирер.

Раббибиз намарт хыяллардан жиргенер, таза адамланы сёзлерин буса къабул этер.

Сутур адам оьзюню уьюн дагъытар, урушбатны гёрюп ярамайгъан адам буса яшап къалар.

Гьалал адамлар жавабын ойлашып берер, намуссузланы авзундан буса яманлыкъ чыгъар.

Раббибиз намуссузлардан арекдедир, гьалал адамланы дуаларын буса къабул этер.

Ачыкъ юзлю къарав юрекни къувандырар, яхшы хабар да сюеклеге гюч берер.

Оьзлени тюз ёлгъа салагъанланы сёзюне тынглайгъанлар гьакъыллыдыр.

Насигьатланы гери урагъанлар оьзлер оьзлеге зарал гелтирер, оьпке-айыплагъа тынглагъанлар буса англавлу болар.

Раббибизден къоркъмакъ гьакъылгъа уьйретер, макътавлукъну башы да ювашлыкъдыр.

← Предыдущая

Притчи

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Выбор основного перевода