Книга Притчи Cтих 20 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Притчи Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Притчи

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Гьакъыллы къатын оьзюню уьюн бир ёрукъгъа салар, авлиясы буса ону оьз къоллары булан бузар.

Тюз ёлгъа тюшген Раббибизден къоркъар, терс ёлгъа тюшген буса Ону сан этмей айланар.

Сёзю саялы агьмакъ кёп таякъ ашар, гьакъыллыны сёзю буса балагьлардан къоруп сакълар.

Екмеге оьгюзлер болмаса, беженлер толмас, къуватлы оьгюзлер болса, мол тюшюм къайтарылар.

Герти шагьат ялгъан айтмас, ялгъан шагьат буса кёп алдатар.

Пасат юрюйген адам гьакъылны излеп айланса да тапмас, англавлу буса ону рагьат табар.

Агьмакъдан ариде тур – ондан гьакъыллы сёз эшитмессен.

Англавлулар гьакъыллы болар – олар ишлерин ойлашып этер, агьмакълар буса англавсуз болар – олар ялгъан булан яшап туруп болар деп ойлашар.

Агьмакълар товба этегенлени уьстюнден кюлер, гьалал адамланы буса Раббибиз ушатар.

Инсанны къайгъысын янгыз ону юреги билер, ону къуванчларына да ятлар ортакъчы болмас.

Намуссузну уью пуч болар, гьалал адамны яшавлукъ этеген ери чечекленип къалар.

Бир-бир ёллар тюз йимик де гёрюнер, амма олар ахырда да ажжалгъа багъып гелтирер.

Кюлейгенде юрекни авуртуп гетеген кюю, къуванчны арты булан къайгъыны гелеген кюю де болар.

Пасат юрюгенлер бары да этген ишлерине жавабын берер, рагьмулу адам да этген рагьмулу ишлери саялы тийишлисин алар.

Агьмакъ гьар не сёзге де инанып къалар, артын ойлайгъан адам буса гьар абатын ойлашып алар.

Гьакъыллы адам яманлыкъдан къоркъар, ари таяр, агьмакъ буса давлап айланар, бир затдан да къоркъмас.

Къарсалайгъан адам авлиялыкъ этме болар, амма биле туруп яманлыкъ этеген адам оьжетли болар.

Билимсизлер агьмакълыкъгъа етип токътар, артын ойлайгъанлар буса билимге ес болуп токътар.

Яманлар яхшыланы алдында баш иер, намуссузлар да гьалал адамланы къапу алдында бозарып къалар.

Пакъыр адамны гьатта ювукълары да сюймес, бай адамны буса кёп къурдашы болар.

Параллельные места

Притчи 19:4

Притчи 19:7

Барлыкъ ярашдырар, ёкълукъ талашдырар. Ярлыны къардашлары да сюймес, къурдашлары буса хасокъда: олардан кёмек ахтарса да пайда чыкъмас.

Ювугъун сансымайгъан адам гюнагь иш этеген болар, пакъырлагъа рагьму этеген гиши насипли болар.

Яманлыкъ этме деп ойлашгъан адам адашып къалар, яхшылыкъ этеген адам булан инамлыкъ да, гертилик де болар.

Гьар не ишден де гелим болар, бош сёзден буса янгыз зарал гелер.

Гьакъыллылар – байлыкъгъа, агьмакълар буса агьмакълыкъгъа ес болар.

Герти шагьат оьзгелеге кёмек этер, ялгъанчысы буса алдатып айланар.

Раббибизден къоркъмакъ – мекенли аркъа таявдур, сагъа да, сени авлетлеринге де сыйынмагъа ердир.

Раббибизден къоркъмакъ ажжалны торларындан къутгъарагъан яшавну бир булагъыдыр.

Халкъы кёп буса пача гючлю болар, халкъы аз буса огъар балагь гелер.

Сабур адамны англаву кёп болар, къарсалайгъан адам буса авлиялыкъ этип токътар.

Юрекни ювашлыгъы къаркъарагъа савлукъдур, гюнчюлюк буса тап сюеклерине оьтюп гетеген аврувдур.

Пакъырлагъа зулму этеген адам оланы Яратгъангъа капирлик этер, амма Ону сыйлайгъан адам тарчыкълыкъдагъылагъа рагьму этер.

Намуссузну яманлыгъы гелип оьзюне тиер, гьалал адамны буса гюнагьсызлыгъы якълар.

Англавлуну юрегинде гьакъыл болар, агьмакъ буса гьакъыл не зат экенни билмес.

Гьалаллыкъ халкъны оьр этер, гюнагь буса ону ер этер.

Пача англавлу къулларына яхшылыкъ этер, оьзюн биябур этегенлеге буса къазапланар.

← Предыдущая

Притчи

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Выбор основного перевода