Везачу Эло Шен юьхь тІера серло шуна лепайойла, Иза шуьца къинхетаме а хуьлийла!
Жоп лохьа суна, ва Веза Эла, дІахазахьа со, Веза Эла волу Хьо Дела хилар а, Ахь церан дегнаш Хьайна тІедерзош хилар а хІокху нахана хаийтархьама».
Хьан лай волчу суна тІе Хьайн юьхь тІера серло лепийтахьа. Хьайн хедар боцучу безамца со кІелхьарваккхахьа.
Ва Дела! Ахь дІатесна тхо, Ахь дохийна тхо. Хьо оьгІазвахана тхуна – хІинца юхаметтахІоттадехьа тхо!
Хьайн оьгІазвахар а Ахьа дІадаьккхина, Хьайн къизачу дераллех а Хьо дІавирзина.
Дерзадехьа тхо Хьайгахьа, Веза Эла, оха чІогІа доьху Хьоьга! Карла а дахий, дІахІиттадехьа тхан денош, Айхьа хьалха уьш дІахІиттош ма-хиллара.