Цо со хоттана юккъе кхуссу, хІинца со чан а, овкъарш а санна ву.
Со холчу хІоьттинчу дийнахь Цо Шен четар кІел дІахьулвийр ма ву со. Ша Іачу метте дІалачкъор ма ву со, Цо тарха тІе а воккхур ма ву со.
КІоргачу уьшал чохь висна со, тІе ког хІотто меттиг а яц суна. Хийн кІоргене чуваьлла со, цуьнан чехка дахаро дІавуьгу со.
Со кІел ца висийтархьама, уьшал чуьра хьалаваккхахьа со. Соьга безам боцучех а, кІоргачу хих а кІелхьарваккхахьа со.
Иза цІа дечу стагах тера ву. Оцу стага, кІоргга ахка а аьхкина, тархана тІехь бух боьттина. Хи, хьала а даьлла, оцу цІенна тІе хьаьдча, цо цІа меттах а ца даьккхина, хІунда аьлча иза дика дина долу дела.