Веза Эла везаш дерш, ма дезийша вониг! Цо Шен долахь болчеран синош лар а до, Цо уьш Іесачеран карара схьа а боху.
Мекара хІилланча волу стаг, харцдерг а дуьйцуш, вон бага а лееш, лела.
Везачу Элана ца деза Іесачу нехан некъаш, ткъа нийсачу новкъахула леларш Цунна беза.
Нахе болу безам а, тешаме хилар а бахьана долуш къинош дІадоху. Везачу Эле ларамах вуьзна хилар бахьана долуш стаг вонах генаволу.
Стаг дакъазавалале цуьнга куралла юссу, ткъа деза деттаро ког тасаболуьйту.