Нуьцкъалчу Делан пхерчий ду сан дегІах дохкуш. Сан синна хаало церан дІовш, Делан къематаш ду суна тІедерзийна.
Цуьнан ардангаш суна тІегІерта, шайна некъ а боккхуш, цара сан четарна го бина.
И пха схьабаккха иза хІоттахь, цуьнан стима юккъера къегаш иза схьабалахь, эццахь евзар ю цунна Іожаллин инзаралла!
Къинхетам боцучу мохо иза дІахьоькху, цуьнан караравала гІертачу хенахь.
qac Лqac*едарадевлла-кх сан бІаьргаш, бІаьргех хиш охьадарна. Кийрахь мел дерг дегадо сан, дог карзахдаларна. Сайн синах а ваьлла со, дукха тийжаш хиларна. И дерриг а хилла суна, сан халкъ дохийна лелорна, Кегий бераш а, дакхош дерш а, мацалло эгийна, ГІалин урамашкахь Іохкуш хиларна.