Царуятан кІантах Йоабах а, динан да волчу Абу-ЯтІарих а дагаволура Адан-ЯхІу. Цара гІо а дора цунна.
Дауда аьллера: «Уггар хьалха тІе а летта, явсайхой хІаллакбиннарг тІемалойн баьчча а, коьрта хьаькам а хир ву». ТІаккха Царуятан кІант Йоаб массарал а хьалха явсайхошна тІелетира. Иштта цунах хилира берриг а тІемалойн коьрта хьаькам.
КхоалгІачу баттахь эскаран кхоалгІа хьаькам вара динан да волчу ЯхІу-ЯдаІан кІант БенъяхІу. Цуьнан тобанехь ткъе виъ эзар стаг вара, ткъа иза коьртаниг вара.