Книга Св. Евангелие от Иоанна Cтих 26

Иисус же молчаше. И отвещав архиерей рече ему: заклинаю тя Богом живым, да речеши нам, аще ты еси Христос, Сын Божий? Глагола ему Иисус: ты рекл еси: обаче глаголю вам: отселе узрите Сына человеческаго седяща одесную силы и грядуща на облацех небесных. Он же молчаше и ничтоже отвещаваше. Паки архиерей вопроси его и глагола ему: ты ли еси Христос, Сын благсвеннаго? Иисус же рече: аз есмь: и узрите Сына человеческаго о десную седяща силы и грядуща со облаки небесными. рех убо вам, яко умрете во гресех ваших: аще бо не имете веры, яко аз есмь, умрете во гресех ваших. Рече же ему Иисус: и видел еси его, и глаголяй с тобою той есть. Отвеща им Иисус: рех вам, и не веруете: дела, яже аз творю о имени Отца моего, та свидетельствуют о мне:

И тогда приидоша ученицы его, и чудяхуся, яко с женою глаголаше. обаче никтоже рече: чесо ищеши, или: что глаголеши с нею,

Остави же водонос свой жена, и иде во град, и глагола человеком.

приидите и видите человека, иже рече ми вся, елика сотворих. еда той есть Христос,

Изыдоша же из града, и грядяху к нему.

Между же сим моляху его ученицы его, глаголюще: равви, яждь.

Он же рече им. аз брашно имам ясти, егоже вы не весте.

глаголаху убо ученицы к себе: еда кто принесе ему ясти?

Глагола им Иисус: мое брашно есть, да сотворю волю пославшаго мя и совершу дело его.

Не вы ли глаголете, яко еще четыри месяцы суть, и жатва приидет? Се глаголю вам: возведите очи ваши, и видите нивы, яко плавы суть к жатве уже:

и жняй мзду приемлет, и собирает плод в живот вечный. да и сеяи вкупе радуется, и жняй.

о сем бо слово есть истинное, яко ин есть сеяи, и ин есть жняй.

аз послах вы жати, идеже вы не трудистеся: инии трудишася, и вы в труд их внидосте.