Книга От Луки Cтих 6 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

От Луки Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

От Луки

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24

1

Бик күп салым җыючылар, гѳнаһлылар Гайсәне тыңлау ѳчен Аның янына җыелдылар.

2

Фарисейләр һәм канунчылар исә:– Бу Кеше гѳнаһлыларны кабул итә һәм алар белән бергә ашый, – дип сукрандылар.

3

Гайсә исә аларга шушы гыйбрәтле хикәяне сѳйләде:

4

– Әйтик, берегезнең йѳз сарыгы булып, шуларның берсен югалтты ди. Ул туксан тугызын болында калдырып, югалганын тапканчы эзләмәсме әллә?

5

Ә инде тапкач, шатланып, аны җилкәсенә салып алып кайтыр;

6

һәм ѳенә кайткач, дусларын һәм күршеләрен чакырып: «Минем белән бергә шатланыгыз, чѳнки мин югалган сарыгымны таптым», – дияр.

Параллельные места

1. Петра 2:25

Адашып йѳрүче сарыклар сыман идегез сез, әмма хәзер Кѳтүчегез һәм җаннарыгызны Саклаучы янына әйләнеп кайттыгыз.

7

Сезгә шуны әйтәм: шул рәвешчә, тәүбә итәргә мохтаҗ булмаган туксан тугыз тәкъва кеше ѳчен шатлануга караганда, гѳнаһлы бер кешенең тәүбә итүенә күктә күбрәк шатланырлар.

8

– Яки ун кѳмеш тәңкәсе булган бер хатын, берсен югалтса, шәм яндырып, идәннәрен себереп, аны тапканчы җентекләп эзләмәсме әллә?

9

Ә тапкач, үзенең дусларын һәм күршеләрен чакырып, аларга: «Минем белән бергә шатланыгыз, чѳнки мин югалткан акчамны таптым», – дияр.

10

Сезгә шуны әйтәм: Аллаһы фәрештәләре дә тәүбә иткән бер гѳнаһлы ѳчен шулай ук шатланырлар.

11

Ул сѳйләвен дәвам итте:– Бер кешенең ике улы булган.

12

Аларның кечесе атасына: «Әти, милекнең миңа тиешле ѳлешен бүлеп бир әле», – дигән. Атасы милкен улларына бүлеп биргән.

13

Берничә кѳн үткәч, кече улы үз ѳлешен сатып, булган акчаны үзе белән алып, ерак илгә чыгып киткән һәм анда азгынлыкка бирелеп, байлыгын туздырып бетергән.

14

Бѳтен байлыгын туздырып бетергәч, бу илдә бик каты ачлык башланган һәм ул мохтаҗлыкта калган.

15

Шунда ул әлеге илнең бер кешесенә ялланган, ә ул аны үзенең басуына дуңгызлар кѳтәргә җибәргән.

16

Ул шулкадәр ач булган, хәтта дуңгызлар ашый торган азыкны ашаса да шат буласы икән, ләкин аңа беркем дә бернәрсә бирмәгән.

17

Аннары ул, акылына килеп: «Минем атамның ялчылары күп һәм аларның барысының да туйганчы ашарга ризыгы бар, ә мин ачтан үләм!

18

Хәзер үк атам янына кайтыйм да: „Әти, мин Күктәге Аллаһы каршында һәм синең алдыңда гѳнаһ кылдым,

19

инде мин синең улың дип аталырга лаек түгел; миңа ялчыларыңның берсе булырга рѳхсәт ит", – дип әйтим».

20

Һәм ул атасы янына кайтып киткән. Ул әле еракта вакытта ук, атасы аны күреп алган һәм бик кызганган, каршына йѳгереп барып, аны кочаклап үпкән.

21

Улы исә аңа әйткән: «Әти, мин Күктәге Аллаһы каршында һәм синең алдыңда гѳнаһ кылдым, инде синең улың дип аталырга лаек түгелмен».

22

Ә атасы үзенең хезмәтчеләренә әйткән: «Иң яхшы кием алып килеп, аны киендерегез, бармагына йѳзек бирегез, аякларына башмаклар кидерегез.

23

Аннары симертелгән бозауны алып чыгып чалыгыз. Ашыйк һәм күңел ачыйк!

24

Чѳнки минем бу улым үлгән иде, ә хәзер терелде, югалган иде – табылды». Һәм алар бәйрәм итә башлаганнар.

25

Аның ѳлкән улы исә бу вакытта кырда булган. Ул ѳенә кайтып җитәрәк, җыр һәм бию тавышлары ишеткән.

26

Хезмәтчеләрнең берсен чакырып: «Бу ни хәл?» – дип сораган.

27

Хезмәтче аңа: «Синең энең кайтты, аның сау-сәламәт әйләнеп кайтуына куанып, атаң симертелгән бозауны чалдырды», – дигән.

28

Ә олы угылның моңа ачуы килгән һәм ул ѳйгә керергә теләмәгән. Атасы исә чыгып аңардан ѳйгә керүен үтенгән.

29

Әмма ул атасына җавап итеп әйткән: «Менә, мин сиңа инде күпме еллар хезмәт итәм һәм кушканнарыңны һич тә үтәмичә калганым юк, шуңа да карамастан дусларым белән бергә күңел ачу ѳчен синең миңа беркайчан кәҗә бәтие дә биргәнең булмады.

30

Ә инде милкеңне фахишәләр белән туздырып бетергән бу улың кайткач, аның ѳчен симертелгән бозауны чалдыргансың!»

31

Атасы исә аңа әйткән: «Улым, син һәрвакыт минем белән, бѳтен нәрсәм синеке;

32

әмма синең энең үлгән иде, ә хәзер терелде, югалган иде – табылды, менә шуңа күрә шатланып күңел ачарга кирәк».

← Предыдущая

От Луки

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24

Выбор основного перевода